News Flash

उत्तर प्रदेशातील हिंसाचारात ‘बाहेरच्या’ लोकांचा सहभाग असल्याचा प्राथमिक तपासात निष्कर्ष

बाहेरच्या लोकांना हुडकून काढण्यासाठी पथके तयार करण्यात आली आहेत.

| December 27, 2019 12:35 am

लखनऊ : उत्तर प्रदेशात सुधारित नागरिकत्व कायद्याच्या विरोधात झालेल्या हिंसाचारात बांगलादेश आणि काश्मीरमधील लोकांसह ‘बाहेरच्या’ लोकांचा सहभाग असल्याचे प्राथमिक तपासात आढळले आहे, असे पोलिसांनी गुरुवारी सांगितले.

सुधारित नागरिकत्व कायद्याच्या विरोधात कानपूरमध्ये शुक्रवार व शनिवारी झालेल्या निदर्शनांदरम्यान सुनियोजित पद्धतीने  हिंसाचार झाल्याचे पोलिसांच्या तपासात आढळले आहे, असे वरिष्ठ पोलीस अधीक्षक आनंद देव तिवारी म्हणाले.

बांगलादेशी व काश्मिरींसह बाहेरच्या लोकांचा या हिंसाचारात सहभाग होता आणि तसे दर्शवणारा पुरेसा पुरावा आहे. हा सहभाग किती प्रमाणात होता, हा अद्याप तपासाचा मुद्दा आहे, असे तिवारी यांनी सांगितले.

बाहेरच्या लोकांना हुडकून काढण्यासाठी पथके तयार करण्यात आली आहेत. लखनौत गुरुवारी दंगलींसाठी प्रवृत्त करणारे हेच लोक होते काय हेही तपासून पाहिले जात आहे. गुप्त माहितीच्या आधारे कथित कारस्थान रचणारे व दंगेखोर यांना पकडण्याचे प्रयत्न सुरू आहेत, अशीही माहिती पोलीस अधीक्षकांनी दिली.

यतीमखाना, रेल बाजार, बाबुपुरवा आणि फूलबाग यांच्यासह अनेक ठिकाणी एकाचवेळी ज्या पद्धतीने दंगे झाले, त्यावरून हे फार सखोल कारस्थान असल्याचे दिसून येते, असेही तिवारी म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 27, 2019 12:35 am

Web Title: outsiders involved in violence in uttar pradesh zws 70
Next Stories
1 गुजरातमधील माजी आयएएस अधिकाऱ्याच्या ३६ कोटी रुपयांच्या मालमत्तेवर ईडीची टाच
2 शिया सेंट्रल वक्फ बोर्ड एनआरसीच्या अंमलबजावणीला अनुकूल
3 अंधश्रद्धेचा कहर! सुर्य ग्रहणाच्यावेळी तीन दिव्यांग मुलांना मानेपर्यंत पुरलं
Just Now!
X