ओडिशामध्ये पोलीस व्हॅनचा भीषण अपघात झाला आहे. भरधाव वेगात असणाऱ्या ट्रकने धडक दिल्याने हा अपघात झाला आहे. अपघातात दोन पोलीस कर्मचाऱ्यांचा मृत्यू झाला असून १७ पोलीस कर्मचारी जखमी झाले आहे. राष्ट्रीय महामार्गावर बेलपहर येथे हा पहाटे हा अपघात झाला. जखमी झालेल्या पोलीस कर्मचाऱ्यांना उपचारासाठी रुग्णालयात दाखल करण्यात आलं आहे.

मुख्यमंत्री नवीन पटनाईक यांच्या दौऱ्यानिमित्त सुरक्षेसाठी पोलीस कर्मचाऱ्यांना नेलं जात होतं. ३३ कर्मचाऱ्यांना घेऊन पोलीस व्हॅन जात असताना भरधाव वेगात असणाऱ्या ट्रकने धडक दिली. धडक इतकी जबर होती की दोन पोलीस कर्मचाऱ्यांचा मृत्यू झाला आहे.

मुख्यमंत्री नवीन पटनाईक यांनी मृत पोलीस कर्मचाऱ्यांच्या कुटुंबीयांना पाच लाखांची मदत आणि सरकारी नोकरी जाहीर केली आहे. तसंच गंभीर जखमी झालेल्या कर्मचाऱ्यांना ज्यांना अपंगत्व येऊ शकतं त्यांना एक लाखांची मदत जाहीर करण्यात आली आहे.