28 September 2020

News Flash

व्यापारी संबंध तोडणारा पाकिस्तान आता भारताकडून जीवनावश्यक औषधी मागवणार

महिनाभरापूर्वीच भारताबरोबरचे सर्व व्यापारी संबंध तोडण्याची केली होती भाषा

(संग्रहित छायाचित्र)

भारत सरकारकडून जम्मू-काश्मीरचे कलम ३७० हटवण्यात आल्यानंतर चवताळलेल्या पाकिस्तानने मागील काही दिवसांमध्ये अनेक अविचारी निर्णय घेतले. मात्र या निर्णयांचा परिणाम त्यांच्याच देशावर होऊ लागल्याची पाकिस्तानाला आता जाणीव होऊ लागल्याचे दिसत आहे. काश्मीर मुद्यावरून भारताबरोबर सर्व प्रकारचे व्यापारी संबंध तोडण्याची भाषा करणाऱ्या पाकिस्तानला महिनाभरातच आपण केलेल्या चुकांची उपरती होत असल्याचे दिसत आहे. कारण, पाकिस्तानात सध्या जाणवत असलेल्या जीवनावश्यक औषधांच्या तुटवड्याच्या पार्श्वभूमीवर भारताकडून या औषधांची आयात करण्यास पाकिस्तान सरकारकडून परवानगी देण्यात आली आहे.

पाकिस्तानच्या वाणिज्य मंत्रालयाने यासंदर्भात एक आदेशही जारी केला आहे. ज्यामध्ये भारताकडून औषधांच्या आयातीस मंजुरी देण्यात आलेली आहे.वृत्तसंस्था पीटीआयच्या माहितीनुसार २०१९ मध्ये जुलै महिन्यापर्यंत पाकिस्तानने भारतीय औषधी कंपन्याकडून १ अब्ज ३६ कोटी रूपयांची औषध मागवलेली आहेत.

पुलवामा हल्ल्यानंतर दोन्ही देशांमधील व्यापारी संबंध तणावपूर्ण बनले होते. या हल्ल्यांनतर भारताने पाकिस्तानकडून आयात केल्या जाणाऱ्या वस्तूंवर २०० टक्के सीमाशुल्क लावले होते. २०१७-१८ मध्ये भारत आणि पाकिस्तानमध्ये केवळ २.४ अब्ज डॉलरचा व्यापार झाला होता. जो भारताने जगाबोरबर केलेल्या एकूण व्यापाराचा केवळ ०.३१ टक्के होता. तर द्विपक्षीय व्यापारात जवळपास ८० टक्के हिस्सा भारताच्या निर्यातीचा आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 3, 2019 7:32 pm

Web Title: pak allows life saving drugs import from india msr 87
Next Stories
1 शेअर बाजार गडगडला! सेन्सेक्समध्ये ८०० अंकांची घसरण
2 मनमोहन सिंग पंतप्रधान असताना अर्थव्यवस्था ११ व्या क्रमांकावर, भाजपाचे टीकेला उत्तर
3 अण्वस्त्र पहिलं न वापरण्याच्या इम्रान यांच्या विधानावर पाकिस्तानची ‘पलटी’
Just Now!
X