30 September 2020

News Flash

संवाद प्रक्रिया रखडवण्यासाठी पठाणकोट हल्ल्याचे ‘निमित्त’

पाकिस्तानचा भारतावर आरोप

| June 10, 2016 12:16 am

पाकिस्तानचा भारतावर आरोप
पठाणकोट दहशतवादी हल्ल्याचा वापर भारत दोन्ही देशांमधील संवाद प्रक्रिया रखडवण्यासाठीचे ‘निमित्त’ म्हणून करत असल्याचा आरोप पाकिस्तानने केला आहे. दहशतवादाशी संबंधित असलेल्या ‘परस्परचिंतेसह’ सर्व मुद्दे सोडवण्यासाठी बोलणी हाच सर्वोत्तम मार्ग असल्याचे मतही पाकने व्यक्त केले.
शांततामय शेजार हा पाक सरकारच्या धोरणाचा भाग असल्याचे सांगून पाकिस्तानी पंतप्रधानांचे परराष्ट्र व्यवहारविषयक सल्लागार सरताज अझीझ म्हणाले, की डिसेंबर २०१५ मध्ये भारतीय परराष्ट्रमंत्री सुषमा स्वराज पाकिस्तान भेटीवर आल्या असताना भारत व पाकिस्तान यांनी संवादाची प्रक्रिया पुन्हा सुरू करण्यास मान्यता दिली होती.
मात्र दोन्ही देशांच्या परराष्ट्र सचिवांनी भेटून सर्वसमावेशक संवाद प्रक्रिया पुन्हा सुरू करण्याच्या वेळापत्रकाला अंतिम रूप देण्यापूर्वीच २ जानेवारी २०१६ रोजी पठाणकोटची घटना घडली आणि त्यामुळे ही प्रक्रिया पुढे ढकलण्यासाठी भारताला निमित्त मिळाले, असा उल्लेख अझीझ यांनी केला.
दहशतवादाशी संबंधित दोन्ही देशांच्या चिंतेचा विषय असलेल्या मुद्दय़ांसह सर्व प्रलंबित मुद्दे निकाली काढण्याचा प्रयत्न करण्यासाठी संवाद हाच सर्वात चांगला मार्ग असल्याची पाकिस्तानची भूमिका आहे. पाकिस्ताने आपले संयुक्त तपास पथक भारतात पाठवून, या हल्ल्याशी संबंध असल्याचा आरोप असलेल्यांचा तपास यापूर्वीच सुरू केला आहे, असेही अझीझ यांनी नमूद केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 10, 2016 12:16 am

Web Title: pakistan accuses india of using pathankot attack to derail dialogue
टॅग Pathankot Attack
Next Stories
1 चीनची पाकिस्तानात साडेआठअब्ज डॉलर्सची गुंतवणूक
2 अखलाकच्या कुटुंबीयांविरुद्ध गुन्हा दाखल करण्याची गावकऱ्यांची मागणी
3 मोदींच्या भाषणामुळे टीकाकार प्रभावित
Just Now!
X