28 September 2020

News Flash

मसूद अझहर पाकिस्तानात असल्याची परराष्ट्र मंत्र्यांची कबुली

मसूद अझहर सध्या आजारी असून घराबाहेर पडणंही त्याला शक्य होत नसल्याचं सागंण्यात आलं आहे

पाकिस्तानचे परराष्ट्र मंत्री शाह मेहमूद कुरेशी यांनी जैश-ए-मोहम्मदचा म्होरक्या मसूद अझहर आपल्याच देशात असल्याची कबुली दिली आहे. मसूद अझहर सध्या आजारी असून घराबाहेर पडणंही त्याला शक्य होत नसल्याची माहिती शाह मेहमूद कुरेशी यांनी दिलेली आहे. सीएनएनशी बोलताना त्यांनी ही माहिती आहे. ‘मला मिळालेल्या माहितीनुसार तो आजारी आहे. तो इतका आजारी आहे की घराबाहेर पडणंही त्याला शक्य होत नाही आहे’, असं शाह मेहमूद कुरेशी यांनी सांगितलं आहे.

पाकिस्तानकडून आंतरराष्ट्रीय स्तरावरुन दबाव येत असून अमेरिकेसह अनेक देशांनी दहशतवाद्यांवर कारवाई करण्याची मागणी केली आहे. त्यामुळे मसूद अझहरला आश्रय देणं पाकिस्तानला कठीण जात आहे. मसूद अझहरची दहशतवादी संघटना जैश-ए-मोहम्मदने भारतावर अनेक दहशतवादी हल्ले केले आहेत. पुलवामा दहशतवादी हल्ल्याची जबाबदाराही जैश-ए-मोहम्मदने घेतली होती.

पुलवामा दहशतवादी हल्ल्यात सीआरपीएफचे ४१ जवान शहीद झाल्यानंतर भारताने पाकिस्तानविरोधात कठोर भूमिका घेतला आहे. भारताने वारंवार मसूद अझहरला आंतरराष्ट्रीय दहशतवादी घोषित केलं जावं यासाठी प्रयत्न केले आहेत. मात्र चीनने अडथळा आणल्याने नेहमीच भारताच्या पदरी निराशा पडली.

मसूद अझहरविरोधात पुरावे दिले तर कारवाई करु असंही शाह मेहमूद कुरेशी यांनी सांगितलं आहे. ‘जर भारताकडे न्यायालयात उभे राहू शकतील असे ठोस पुरावे असतील तर ते त्यांनी आमच्याकडे सोपवावेत. आम्ही त्याआधारे कारवाई करु’, असं शाह मेहमूद कुरेशी यांनी सांगितलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 1, 2019 12:08 pm

Web Title: pakistan foreign minister confirms jaish chief masood azhar is in pakistan
Next Stories
1 ट्रकची पोलीस व्हॅनला धडक, दोन पोलीस कर्मचाऱ्यांचा मृत्यू; १७ जखमी
2 पंजाबमध्ये पाकिस्तानी हेराला अटक; सिम कार्ड, कॅमेरा जप्त
3 २०१९ मध्ये बहुमताने जिंकू, नरेंद्र मोदीच होणार पंतप्रधान – अमित शहा
Just Now!
X