28 February 2021

News Flash

भारतातील जिहादसाठी पाकमध्ये ‘जैश’चे दहशतवादी गोळा करतायंत पैसे

खैबर-पख्तूनख्वा या प्रांतातील एका मशिदीत ईदनिमित्त नमाज झाल्यानंतर जैश - ए- मोहम्मद आणि अल रहमत ट्रस्ट या प्रतिबंधित दहशतवादी संघटनांचे दहशतवादी तिथे पोहोचले.

प्रतिकात्मक छायाचित्र

दहशतवाद्यांना आर्थिक रसद पुरवल्याप्रकरणी पाकिस्तानची जागतिक स्तरावरुन कोंडी होत असताना खैबर-पख्तूनख्वा प्रांतातील दहशतवाद्यांचा एक व्हिडिओ समोर आला आहे. या व्हिडिओत जैश – ए- मोहम्मदचे दहशतवादी भारतातील जिहादसाठी पैसे गोळा करताना दिसत आहेत.

मंगळवारी खैबर-पख्तूनख्वा या प्रांतातील एका मशिदीत ईदनिमित्त नमाज झाल्यानंतर जैश – ए- मोहम्मद आणि अल रहमत ट्रस्ट या प्रतिबंधित दहशतवादी संघटनांचे दहशतवादी तिथे पोहोचले. भारत आणि अमेरिकेविरोधातील ‘जिहाद’साठी आर्थिक मदत करावी, असे सांगत या दहशतवाद्यांनी स्थानिकांकडून पैसे गोळा करायला सुरुवात केली. या घटनेचा व्हिडिओ सोशल मीडियावर व्हायरल झाला आहे. विशेष म्हणजे दहशतवादी पैसे गोळा करताना स्थानिक पोलीस तिथे उपस्थित होते, असे या व्हिडिओत दिसते. या व्हिडिओमुळे पाकिस्तानचे पितळ उघडे पडले.

‘काफीर’ लोकांनी मुस्लिमांचे नुकसान केले असून आता त्यांच्या विरोधात जिहादसाठी पैसे द्यावे, असे हे दहशतवादी बोलताना दिसतात. दुसऱ्या व्हिडिओत हे दहशतवादी पैसे गोळा करण्यासोबतच जिहादमध्ये सामील व्हावे, असे देखील सांगत आहेत. खैबर-पख्तूनख्वा या प्रांतात २०१३ पासून नवनियुक्त पंतप्रधान इम्रान खान यांच्या ‘तेहरीक- ए- इन्साफ’ या पक्षाचे सरकार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 24, 2018 9:51 am

Web Title: pakistan jaish e mohammed operatives collecting money for jihad in india video viral
Next Stories
1 मॉर्निंग बुलेटिन : पाच महत्त्वाच्या बातम्या
2 आयएएस अधिकाऱ्याच्या पणतूलाही मागासवर्गीय समजणार का? : सुप्रीम कोर्ट
3 सिगारेट उधार देण्यास नकार दिल्याने तरुणाची हत्या
Just Now!
X