News Flash

कंदील बलोच हत्या प्रकरणाला नवे वळण

चौकशी नंतर हत्येमागील खरा सुत्रधार समोर येणार

काही दिवसांपूर्वी पाकिस्तानी मॉडेल कंदील बलोच हिची तिच्याच भावाकडूनच हत्या करण्यात आली होती. पाकिस्तानच्या स्थानिक माध्यमांकडून मिळालेल्या माहितीनुसार मुजफ्फराबाद प्रांतात असणाऱ्या ग्रीन टाउन भागात तिची हत्या करण्यात आली होती. कंदीलने मॉडेलिंग क्षेत्र सोडवे यासाठी तिचा भाऊ तिच्यावर दडपण आणत होता. या वादातूनच तिची हत्या झाल्याचे वृत्त समोर आले होते. कंदीलचा भाऊ वासिम याने यापूर्वी अनेकदा कंदीलला तिचे फोटो आणि व्हीडिओ सोशल मीडियावर अपलोड न करण्याबद्दलही बजावले होते.
कंदीलच्या हत्येनंतर या प्रकरणी स्थानिक पोलीस यंत्रणांमार्फत चालवलेल्या तपासादरम्यान या प्रकरणाला आता एक नवे वण मिळाले आहे. पाकिस्तान पोलिसांनी सदर प्रकरणी संशयित म्हणून कंदील बलोचच्या बहिणीलाही अटक केली असल्याचे वृत्त सूत्रांकडून मिळाले आहे. शहनाझ आणि हक नवाझ या दोघींनाही कंदील बलोच हत्याप्रकरणी पोलीस कोठडीत पाठवण्यात आले आहे, अशी माहिती तपास अधिकाऱ्यांनी माध्यमांना दिली. दरम्यान पुढील चौकशीसाठी पोलिसांच्या ताब्यात असणाऱ्या कंदीलच्या भावाच्या पोलिस कोठडीत न्यायालयाने आणखीन तीन दिवसांची वाढ केली आहे. कंदील बलोच हत्याप्रकरणी पोलीस यंत्रणा शहनाझ आणि हक नवाझ यांचीही आता रितसर चौकशी करणार असून त्यानंतरच या हत्येमागील खरा सुत्रधार समोर येण्याची शक्यता वर्तवण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 25, 2016 7:34 pm

Web Title: pakistan police arrest qandeel balochs sister cousin
Next Stories
1 रामदेवबाबांच्या विद्यापीठात योग आणि संस्कृतचे वर्ग, पन्नास हजारांच्या नोकरीची हामी
2 VIDEO: ‘ओ नॉटी कृष्णा…’, शास्त्रीय संगीताला इंग्रजीचा साज
3 पायांच्या सततच्या वाढत्या वजनाने ‘ती’ त्रस्त!
Just Now!
X