04 June 2020

News Flash

फाशीबाबत वयनिश्चितीची मागणी पाकिस्तानात फेटाळली

फाशीची शिक्षा ठोठाविण्यात आलेल्या आरोपीचे वय निश्चित करण्यासाठी आयोग नियुक्त करण्याची मागणी पाकिस्तानच्या सर्वोच्च न्यायालयाने फेटाळल्याने या आरोपीला फासावर लटकविण्याचा मार्ग मोकळा झाला आहे.

| June 11, 2015 05:18 am

फाशीची शिक्षा ठोठाविण्यात आलेल्या आरोपीचे वय निश्चित करण्यासाठी आयोग नियुक्त करण्याची मागणी पाकिस्तानच्या सर्वोच्च न्यायालयाने फेटाळल्याने या आरोपीला फासावर लटकविण्याचा मार्ग मोकळा झाला आहे. आरोपीच्या वयाच्या मुद्दय़ावरून यापूर्वी चार वेळा फाशी पुढे ढकलण्यात आली होती. सदर आरोपीचे नाव शफाकत हुसेन असे असून एका सात वर्षीय मुलाचे अपहरण करून त्याची हत्या केल्याबद्दल हुसेनला फाशीची शिक्षा ठोठावण्यात आली आहे. मंगळवारी पहाटे त्याला फाशी देण्यात येणार होते. मात्र २००४ मध्ये त्याने हत्या केली तेव्हा त्याचे वय काय होते हे निश्चित केले जावे यासाठी हुसेनने केलेली याचिका सर्वोच्च न्यायालयाने स्वीकारल्याने त्याची फाशी चौथ्यांदा पुढे ढकलण्यात आली होती. याप्रकरणी मुख्य न्यायाधीश नसिरूल मुल्क यांच्या अध्यक्षतेखालील तीन सदस्यीय पीठासमोर दोन दिवस सुनावणी झाली. हुसेन यांचे वय निश्चित करण्यासाठी आयोग नियुक्त करावा ही मागणी पीठाने फेटाळली. हुसेन याला दोषी ठरविण्यात आले तेव्हा तो केवळ १४ वर्षे वयाचा होता, असा दावा एका गटाने केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 11, 2015 5:18 am

Web Title: pakistan provokes outcry over juvenile death sentence
टॅग Pakistan
Next Stories
1 लोणीकर मोकाट का? त्यांनाही अटक करा, आपचे भाजपला आव्हान
2 डॉक्टरच्या श्रीमुखात लगावल्याप्रकरणी गायक मिका सिंगला अटक
3 राज्यात शनिवारपासून मुसळधार पावसाचा ‘स्कायमेट’चा अंदाज
Just Now!
X