पाकिस्तानच्या लष्कराने शस्त्रसंधीचे उल्लंघन करत ्सीमारेषेवरील गावांसह पुंछ भागातील कृष्णा घाटीत काही पोस्टवर सोमवारी दुपारी २ वाजून ४५ मिनीटांच्या सुमारास उखळी तोफांचा भारी मारा व गोळीबार केला. या गोळीबारात दोन नागरिक जखमी झाले असून, मसूद अहमद आणि आशिक हसन असे जखमी झालेल्या नागरिकांची नावं असल्याची अधिका-यांनी माहिती दिली आहे. पाकिस्तानच्या या हल्याला भारताकडूनही चोख प्रत्युत्तर देण्यात आले आहे. मागिल काही दिवसांपासून सातत्याने पाकिस्तानकडून शस्त्रसंधीचे उल्लंघन सुरू आहे. रविवारीच जम्मू-काश्मिरमधील राजैारीच्या केरी सेक्टरमध्ये पाकिस्तानकडून गोळीबार करण्यात आला होता. या पार्श्वभूमीवर सोमवारी राजैारीतील शाळा बंद ठेवण्यात आल्या होत्या.
