News Flash

पाकिस्तानची हवाई हद्द भारतीय विमानांसाठी बंदच

पाकिस्तानच्या हवाई हद्दीत प्रवेश करता येत नसल्याने भारतीय विमान कंपन्यांना तोटा सहन करावा लागत आहे.

प्रातिनिधीक छायाचित्र

पाकिस्तानमधील बालाकोट भागात भारतीय हवाई दलाने केलेल्या एअर स्ट्राईकनंतर, पाकिस्तानने आपली हवाई हद्द भारतीय विमानांसाठी बंद केली होती. पाकिस्तानने आता ही बंदी 30 मे पर्यंत वाढवण्याचा निर्णय घेतला आहे. बुधवारी पाकिस्तानच्या संरक्षण आणि नागरी हवाई उड्डाण मंत्रालयाची बैठक पार पडली. या बैठकीत पाकिस्तानची हवाई हद्द भारतीय विमानांसाठी खुली करण्याबाबत चर्चा करण्यात आली. या चर्चेदरम्यान, ही बंदी 30 मे पर्यंत वाढवण्याचा निर्णय घेण्यात आला आहे. यासंबंधिचे वृत्त पीटीआयने दिले आहे.

दरम्यान, या निर्णयाबाबत संबंधित अधिकाऱ्यांना आणि वैमानिकांना सुचना देण्यात आल्याची माहिती वरिष्ठ सरकारी अधिकाऱ्यांकडून देण्यात आली. तसेच भारतातील लोकसभा निवडणुकांनंतर ही बंदी उठवावी किंवा नाही यावर निर्णय घेतला जाणार असल्याचेही स्पष्ट करण्यात आले.

पाकिस्तानच्या हवाई हद्दीत प्रवेश करता येत नसल्याने भारतीय विमान कंपन्यांना तोटा सहन करावा लागत आहे. तसेच आपल्या मार्गात बदल करावा लागल्याने इंधनाचा वापरही वाढला आहे. त्यातच विमानांसाठी वापरल्या जाणाऱ्या इंधानाच्या किंमतीतही वाढ झाल्याने कंपन्यांना मोठा आर्थिक फटका बसत आहे. पाकिस्तानची हवाई हद्द बंद असल्यामुळे 400 विमानांच्या उड्डाणावर त्याचा परिणाम होत आहे.

26 फेब्रुवारी रोजी बालाकोटमधील दहशतवाद्यांच्या ठिकाणांवर भारतीय हवाई दलाने हवाई हल्ले केले होते. त्यानंतर भारत आणि पाकिस्तानमधील संबंध कमालीचे ताणले गेले होते. त्यानंतर पाकिस्तानने भारतीय विमानांसाठी आपली हवाई हद्द बंद केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 15, 2019 7:37 pm

Web Title: pakistani airspace shutdown extend till 30 may for indian carriers
Next Stories
1 अभिनंदन यांच्या शौर्याला युनिटकडून अनोखा ‘सलाम’
2 काँग्रेसच्या पत्रकार परिषदेत भाजपा समर्थकाचे वंदे मातरमचे नारे
3 मोदी मनमोहन सिंग यांची खिल्ली उडवायचे, पण आज देश त्यांची खिल्ली उडवत आहे – राहुल गांधी
Just Now!
X