03 June 2020

News Flash

दहशतवादी दयेस पात्र नाहीत -ममनून हुसेन

दहशतवाद्यांनी सर्व मर्यादा ओलांडल्या असून ते कुठल्याही प्रकारची दया दाखवण्यास पात्र नाहीत, असे पाकिस्तानचे अध्यक्ष ममनून हुसेन यांनी म्हटले आहे.

| December 21, 2014 01:50 am

दहशतवाद्यांनी सर्व मर्यादा ओलांडल्या असून ते कुठल्याही प्रकारची दया दाखवण्यास पात्र नाहीत, असे पाकिस्तानचे अध्यक्ष ममनून हुसेन यांनी म्हटले आहे. प्रामुख्याने मुलांसह १४८ जणांचा बळी घेणाऱ्या पेशावरच्या लष्करी शाळेवरील दहशतवादी हल्ल्याच्या पाश्र्वभूमीवर त्यांनी हे वक्तव्य केले आहे.
देश आता दहशतवाद्यांविरुद्ध एकजूट झाला असून, हे लोक दया दाखवण्यास पात्र नसल्यामुळे त्यांना कुठलीही सूट देऊ नये असे नागरिकांना वाटते. तालिबानने सर्व मर्यादा ओलांडल्या असून ते सुधारण्याच्या पलीकडे गेले आहेत, मात्र त्यांची शिक्षेपासून सुटका होणार नाही, असे हुसेन यांनी हल्ल्यात जखमी झालेल्या विद्यार्थ्यांची रुग्णालयात भेट घेतल्यानंतर सांगितले.
सध्या दहशतवाद्यांविरुद्ध सुरू असलेली झर्ब-ए-अझ्ब ही मोहीम तार्किक निष्कर्षांपावेतो येईपर्यंत सुरू राहील, तसेच दहशतवादाच्या प्रकरणांची सुनावणी जलदगतीने होण्यासाठी आणि साक्षीदारांना संरक्षण पुरवण्यासाठी नवे कायदे तयार केले जातील, असे ते म्हणाले. देशातील दहशतवादाशी लढण्याकरता पाकिस्तान व अफगाणिस्तान एकमेकांशी सहकार्य करत असल्याचीही माहिती त्यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 21, 2014 1:50 am

Web Title: pakistans president mamnoon hussain slams taliban attack
टॅग Taliban Attack
Next Stories
1 ’जनता परिवाराच्या एकत्रीकरणाची तारीख निश्चित नाही ’
2 मोदी यांच्या दौऱ्याने भारताची क्षमता सिद्ध- तुलसी गॅबार्ड
3 भारतातून मॉरिशसला युद्धनौका निर्यात
Just Now!
X