27 September 2020

News Flash

अर्जेटिनाच्या अध्यक्षांची पनामा पेपर्स प्रकरणी चौकशी

पनामा पेपर्समध्ये अडकलेले मॉरिसियो मॅक्री यांच्याविरोधात त्यांनी परदेशात जमवलेल्या काळ्या पैशांबाबत चौकशी सुरू

| April 9, 2016 01:36 am

पनामा पेपर्समध्ये अडकलेले मॉरिसियो मॅक्री यांच्याविरोधात त्यांनी परदेशात जमवलेल्या काळ्या पैशांबाबत चौकशी सुरू करण्यात आली आहे. मॅक्री हे लॅटिन अमेरिकेत उजव्या आघाडीच्या पुनरूत्थानाचे प्रतीक मानले जातात. रशियाचे अध्यक्ष व्लादिमीर पुतिन, चीनचे अध्यक्ष क्षी जिनपिंग यांच्यासह मॅक्री यांचे नावही पनामा पेपर्समध्ये आले आहे. पनामातील मोझ्ॉक फोन्सेका या विधी सल्लागार कंपनीच्या मार्फत अनेक बडे राजकीय नेते, अभिनेते व क्रीडापटू यांनी परदेशात बेनामी मालमत्ता तयार केल्या आहेत. पुतिन व क्षी जिनपिंग यांची नावे थेटपणे या कागदपत्रात नाहीत पण त्यांचे सहकारी व नातेवाईक त्यात गुंतले आहेत. मॅक्री यांचे नाव मात्र थेटपणे या कागदपत्रात आहे. अजेर्ंटिनाचे संघराज्य अभियोक्ता फेडेरिको डेलगाडो यांनी सांगितले की, राष्ट्रीय कर अधिकाऱ्यांकडून व भ्रष्टाचार विरोधी विभागाकडून माहिती मागवण्यास न्यायालयाला सांगण्यात आले आहे.
मॅक्री यांनी ते २००७ मध्ये ब्युनोसआयर्सचे महापौर झाले, तेव्हाही आर्थिक प्रकटनात त्यांची कुठली कंपनी असल्याचे म्हटले नव्हते. गेल्या डिसेंबरमध्ये ते अध्यक्ष झाले तेव्हाही त्यांनी काहीच उघड केले नव्हते. अध्यक्षीय प्रचारात भ्रष्टाचाराविरोधात भूमिका घेणारे मॅक्री आता काळ्या पैशाच्या व्यवहारात सापडले असले तरी त्यांनी आरोपांचा इन्कार केला आहे. माझी आस्थापने कायदेशीर असून ती वडिलांनी स्थापन केलेली आहेत असे ते म्हणाले. पुतिन यांनी या प्रकरणात आंतरराष्ट्रीय प्रसारमाध्यमांची थट्टा केली असून ही सगळी माहिती अमेरिकेच्या सांगण्यावरून एका कटाचा भाग म्हणून जाहीर करण्यात आली असे म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 9, 2016 1:36 am

Web Title: panama papers argentina president macri to go before judge
टॅग Panama Papers
Next Stories
1 अमेरिकेतील भारतीय वंशाच्या गटाचा ट्रम्प यांना पाठिंबा
2 मंगळावर लघुग्रहांच्या आघातामुळे सजीवांना अनकूल स्थिती होती
3 दुष्काळावर कायमस्वरूपी तोडगा काढण्याचे प्रयत्न
Just Now!
X