News Flash

पाकिस्तानी हवाई दलाच्या ड्रोन्समधून पंजशीरवर बॉम्बहल्ला

पंजशीर खोऱ्यातील प्रतिरोधक दलांनी युद्धबंदीची मागणी केली आहे.

Afghanistan Crisis, Taliban
तालिबानने शुक्रवारी पंजशीरवर ताबा मिळवल्याचा दावा केला आहे (file photo Indian express)

अफगाणिस्तानातील प्रतिकार दलांचा शेवटचा बालेकिल्ला असलेल्या पंजशीर प्रांतावर पाकिस्तानी हवाई दलाच्या ड्रोनने बॉम्बहल्ला केला, असे वृत्त रविवारी देण्यात आले. समंगानचे माजी खासदार झिया अरियनजाद यांनी आमज न्यूजच्या हवाल्याने म्हटले होते की, पाकिस्तानी ड्रोनने स्मार्ट बॉम्ब वापरून पंजशीरवर बॉम्बहल्ला केला आहे.

तत्पूर्वी रविवारी रात्री तालिबानला प्रतिकार करणाऱ्या रेझिस्टन्स फ्रंटचे प्रवक्ते फहीम दाश्ती पंजशीरमध्ये तालिबानशी लढताना मारले गेले.याविषयी इंडिया टुडेने सविस्तर वृत्त दिले आहे. जनरल साहिब अब्दुल वडूद झोर, अहमद शाह मसूदचा पुतण्या आणि माजी प्रमुख मुजाहिदीन कमांडर देखील या लढाईत मारला गेला, असे अस्वाका न्यूज एजन्सीने म्हटले आहे. नॅशनल रेझिस्टन्स फ्रंट ऑफ अफगाणिस्तानच्या फेसबुक पेजने देखील एक निवेदन दिले आहे, ‘जड अंतःकरणाने आम्ही तालिबानी दहशतवाद्यांच्या हल्ल्यात रेझिस्टन्स फ्रंटचे प्रवक्ते फहीम दष्टी यांच्या मृत्यूची बातमी देत ​​आहोत,’. अमीर साहेब अहमद मसूद यांच्या कार्यालयाचे प्रमुख फहीम दाश्ती आणि जनरल साहिब अब्दुल वडूद झोर, अफगाणिस्तानच्या राष्ट्रीय नायकाचा भाचा, फॅसिस्ट गटाविरुद्धच्या लढाईत. तुमच्या त्यागाबद्दल अभिनंदन!

हेही वाचा – Afghanistan Crisis: पंजशीरमध्ये संघर्ष सुरुच; रेझिस्टन्स फ्रंटचे प्रवक्ते फहीम दष्टींचा मृत्यू झाल्याची माहिती

दरम्यान, लढाईत त्यांचे मोठे नुकसान झाल्याचे वृत्त समोर आल्यानंतर पंजशीर खोऱ्यातील प्रतिरोधक दलांनी युद्धबंदीची मागणी केली आहे.नॅशनल रेझिस्टन्स फ्रंटने तालिबानला पंजशीरमधून माघार घेण्याचा प्रस्ताव दिला आहे आणि त्या बदल्यात तो लष्करी कारवाईपासून परावृत्त होईल.

गेल्या महिन्यात, इंडिया टुडेशी बोलताना, फहीम दष्टी म्हणाले होते की, पंजशीरमधील आमचं सैन्य केवळ प्रांतासाठीच नव्हे तर अफगाणिस्तानसाठी तालिबानविरुद्ध लढत आहेत. “आम्ही केवळ एका प्रांतासाठी नाही तर संपूर्ण अफगाणिस्तानसाठी लढत आहोत. आम्हाला अफगाणिस्तान, महिलांच्या, अल्पसंख्यांकांच्या अधिकारांची चिंता आहे. तालिबानला समानता आणि अधिकारांची हमी द्यावी लागेल. आम्ही वेगवेगळ्या देशांशी संपर्कात आहेत,” असे दष्टी म्हणाले.

तालिबान्यांनी रविवारी दावा केला होता की त्यांनी पंजशीर ताब्यात घेतले आहे. तालिबानच्या प्रवक्त्याने सांगितले की, “सर्व जिल्हा मुख्यालये, पोलीस मुख्यालय आणि पंजशीरमधील सर्व कार्यालये जप्त करण्यात आली आहेत. विरोधी फौजांनाही अनेक जीवितहानी झाली आहे. वाहने आणि शस्त्रांचेही नुकसान झाले.”

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 6, 2021 8:31 am

Web Title: panjshir bombed pakistani air force drones smart bombs reports vsk 98
Next Stories
1 तालिबानी नेत्यांच्या भेटीनंतर बदलले संयुक्त राष्ट्रसंघाचे सूर; म्हणाले, “अफगाणिस्तानमध्ये लाखो…”
2 “मोदींनी उत्तर प्रदेशच्या ऐवजी गुजरातमधून निवडणूक लढवावी”; राकेश टिकैत यांचं जाहीर आव्हान
3 “…म्हणून राष्ट्रीय स्वयंसेवक संघाची तुलना तालिबानशी करणे अयोग्यच”; शिवसेनेनं जावेद अख्तर यांना सुनावलं
Just Now!
X