फ्रेंच हल्लेखोर अहमदी कोलीबेली याने पॅरिसमध्ये हल्ला करण्यापूर्वी तीन दिवस माद्रिदमध्ये घालविले असल्याचे वृत्त येथील ‘ला वांगुर्दिया’ या वृत्तपत्राने दिले आहे. ३० डिसेंबर ते २ जानेवारीदरम्यान तो आणखी एका इसमासमवेत तेथे होता. परंतु या इसमाची ओळख पटली नाही, असे संबंधित वृत्तात म्हटले आहे. गेल्या शुक्रवारी पोलिसांनी सुपर मार्केट उडवून दिल्यानंतर ३२ वर्षांचा कोलीबेली त्यावेळी ठार झाला होता.याप्रकरणी सध्या पोलीस अधिकारी सखोल तपास करीत असून, याही दिशेने त्यांचा तपास सुरू असल्याचे सांगण्यात आले.
