फ्रान्सची राजधानी पॅरिसमध्ये मंगळवारी सकाळी एका इमारतीला भीषण आग लागल्याची घटना घडली आहे. रहिवाशी इमारतीला ही आग लागली असून यामध्ये 7 जणांचा होरपळून मृत्यू झाल्याची माहिती आहे. याशिवाय 28 जण जखमी झाले आहेत. The Associated Press: Paris fire service says 7 people are dead and at least 28 injured in a blaze in a residential building. — ANI (@ANI) February 5, 2019 घटनास्थळी अग्निशमन दलाकडून आगीवर ताबा मिळवण्याचे शर्थीचे प्रयत्न सुरू आहेत. आठ मजली इमारतीच्या सातव्या आणि आठव्या मजल्यावरील आग विझवण्याचे प्रयत्न सुरू आहेत. या घटनेत अग्निशमन विभागाचेही 3 कर्मचारी जखमी झाल्याचं सांगितलं जात आहे. आग लागण्याचं नेमकं कारण अद्याप समजलेलं नाही. पण या घटनेतील मृतांची संख्या वाढण्याची भीती व्यक्त केली जात आहे.
