26 September 2020

News Flash

धक्कादायक! जोडप्याने उबर ड्रायव्हरची हत्या करुन मृतदेहाचे तुकडे फेकले नाल्यात

रात्रीच्या टॅक्सी प्रवासात जशी ड्रायव्हरबद्दल खात्री नसते तशीच प्रवाशांचीही हमी देता येत नाही. एका जोडप्याने उबर चालकाची हत्या करुन त्याच्या मृतदेहाचे तीन तुकडे केले.

रात्रीच्या टॅक्सी प्रवासात जशी ड्रायव्हरबद्दल खात्री नसते तशीच प्रवाशांचीही हमी देता येत नाही. दिल्लीमध्ये एका जोडप्याने उबर चालकाची हत्याकेली. त्यानंतर त्याच्या मृतदेहाचे तीन तुकडे करुन ते नाल्यात फेकून दिले. राम गोविंद असे मृत टॅक्सी चालकाचे नाव आहे. गोविंदची हत्या करणाऱ्या जोडप्याला त्याची टॅक्सी पळवून ती पश्चिम उत्तर प्रदेशात विकायची होती. त्यासाठी त्यांनी गोविंदची हत्या केली.

राम गोविंद बेपत्ता झाल्यानंतर आठवडयाभराने पोलिसांनी लोनी गाझियाबाद येथून जोडप्याला अटक केली. २९ जानेवारीला गोविंदने मदनगीर ते कापाशेरा अशी ट्रीप पूर्ण केली. त्यानंतर तो गाडीमध्ये थांबला होता. त्यावेळी रात्री एकच्या सुमारास फरहात अली आणि सीमा शर्मा यांनी त्याची कॅब बुक केली.

गाझियाबाद येथे पोहोचल्यानंतर या जोडप्याने गोविंदला त्यांच्या घरी नेले व त्याला चहा दिला. रात्री थंडी असल्यामुळे गोविंदही त्यांच्या घरी यायला तयार झाला. फरहात आणि सीमाने चहामध्ये गुंगीचे औषध मिसळले होते. चहा पिऊन गोविंदची शुद्ध हरपल्यानंतर फरहातने दोरीने गळा आवळून त्याची हत्या केली. पोलिसांनी दिलेल्या माहितीनुसार आरोपी जोडप्याने गोविंदचा मृतदेह घरातच ठेवला व त्याची गाडी घेऊन मोरादाबाद येथे गेले. त्यांनी तिथे एका मंदिराजवळ झुडूपात गाडी लपवून ठेवली व मृतदेहाची विल्हेवाट लावण्यासाठी पुन्हा घरी आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 5, 2019 1:07 pm

Web Title: passenger couple kill driver cut his body into 3 pieces
Next Stories
1 मोदी नव्हे लोकशाहीच या देशाची ‘बिग बॉस’ : ममता बॅनर्जी
2 Mamata Vs CBI: राजीव कुमारांना अटकेपासून संरक्षण, मात्र CBI चौकशीत सहकार्य करा: सुप्रीम कोर्ट
3 पॅरिस : रहिवाशी इमारतीला भीषण आग, 7 जणांचा मृत्यू; 28 जखमी
Just Now!
X