News Flash

फुटीरतावाद्यांशी चर्चा करण्याच्या उद्देशानेच मसरतची सुटका

फुटीरतावादी नेता मसरत आलम याची सुटका करण्याच्या निर्णयावरून भाजपने जोरदार हल्ला चढविला असला तरीही पीडीपीने आपल्या निर्णयाचे एका प्रकारे समर्थनच केले आहे.

| March 10, 2015 06:29 am

फुटीरतावादी नेता मसरत आलम याची सुटका करण्याच्या निर्णयावरून भाजपने जोरदार हल्ला चढविला असला तरीही पीडीपीने आपल्या निर्णयाचे एका प्रकारे समर्थनच केले आहे. फुटीरतावाद्यांशी चर्चा करण्यासाठी पोषक वातावरण निर्माण व्हावे या उद्देशानेच आलमला सोडण्याचा निर्णय घेण्यात आल्याचे पीडीपीने म्हटले आहे.
आलम याची सुटका करण्याच्या निर्णयाचे आम्ही समर्थन करतो. न्यायालयाने त्याच्या सुटकेचा आदेश दिला आणि आम्ही त्या आदेशाची अंमलबजावणी केली, असे पीडीपीचे नेते आणि आमदार फिरदौस टाक यांनी येथे वार्ताहरांना सांगितले. फुटीरतावाद्यांशी चर्चा करण्यासाठी पोषक वातावरण निर्माण व्हावे यासाठीच हा निर्णय घेण्यात आल्याचे ते म्हणाले. सलोखा निर्माण करण्यासाठी आपल्याला कधी तरी सुरुवात करावीच लागते, फुटीरतावाद्यांशी आपल्याला कधी चर्चा केली पाहिजे ते समजून घेणे गरजेचे आहे आणि त्यासाठीच पोषक वातावरणाची गरज आहे, असेही टाक म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 10, 2015 6:29 am

Web Title: pdp defends masarat alams release
टॅग : Masarat Alam,Pdp
Next Stories
1 हुर्रियतचे नेते गिलानी यांची पाकिस्तानच्या राजदूतांशी भेट
2 कर्जमाफी न झाल्याने ममता नाराज
3 कर्मचारी भविष्य निर्वाह निधी अंतर्गत सरासरी ८.६७ टक्के व्याज
Just Now!
X