पेट्रोल आणि डिझेल या दोन्ही दरांमध्ये पुन्हा एकदा घट झाली आहे. पेट्रोल २० पैसे प्रति लिटर तर डिझेल ८ पैसे प्रति लिटर स्वस्त झाले आहे. एएनआय या वृत्तसंस्थेने ही बातमी दिली आहे. मुंबईत पेट्रोलचा प्रति लिटर दर ८५ रुपये ४ पैसे इतका असेल तर डिझेलचा दर प्रति लिटर ७७ रुपये ३२ पैसे इतका असेल. दिल्लीतही पेट्रोल प्रति लिटर २० पैसे आणि डिझेल प्रति लिटर सात पैसे स्वस्त झालं आहे. दिल्लीत पेट्रोलचा दर प्रति लिटर ७९ रुपये ५५ पैसे इतका असेल तर तर डिझेलचा दर प्रति लिटर ७३ रुपये ७८ पैसे इतका असेल. पेट्रोलच्या दरांनी नव्वदी गाठली होती, तर डिझेलचे दर ८० रुपये प्रति लिटरच्या पुढे गेले होते. मात्र गेल्या काही दिवसांपासून हे दर काही प्रमाणात का होईना पण कमी होताना दिसत आहेत. दिवाळी तोंडावर आलेली असताना हा काही अंशी का होईना दिलासा आहे असं म्हटलं तर वावगं ठरणार नाही.