News Flash

पेट्रोलमध्ये २०२५ पर्यंत २० टक्केइथेनॉल वापर

गेल्या वर्षी सरकारने २०२२ पर्यंत पेट्रोलमध्ये १० टक्के इथेनॉल मिसळण्याचे लक्ष्य ठरविले होते

संग्रहीत

पंतप्रधान नरेंद्र मोदी यांचे प्रतिपादन

इथेनॉलच्या वापरावर भारत लक्ष केंद्रित करीत असून त्याचा लाभ देशातील शेतकऱ्यांना होणार आहे, त्यामुळे २०२५ पर्यंत पेट्रोलमध्ये २० टक्के इथेनॉल मिसळण्याचे लक्ष्य भारताने ठेवले आहे, असे पंतप्रधान नरेंद्र मोदी यांनी शनिवारी येथे सांगितले.

ऊस त्याचप्रमाणे गहू, तांदूळ आणि अन्य कृषीकचऱ्यापासून निर्माण केलेल्या इथेनॉलपासून कमी प्रदूषण होते आणि त्याच्या वापराने शेतकऱ्यांना उत्पन्नाचा पर्याय मिळतो, असेही मोदी म्हणाले. जागतिक पर्यावरण दिनानिमित्त इथेनॉल वापराच्या आराखड्याबाबत ते बोलत होते. पेट्रोलमध्ये इथेनॉल मिसळण्याचे लक्ष्य पूर्वी २०३० होते, ते आता २०२५ पर्यंत ठरविण्यात आले आहे, असेही मोदी यांनी स्पष्ट केले.

गेल्या वर्षी सरकारने २०२२ पर्यंत पेट्रोलमध्ये १० टक्के इथेनॉल मिसळण्याचे लक्ष्य ठरविले होते, तर २०३० पर्यंत हे लक्ष्य २० टक्के असे होते. सध्या पेट्रोलमध्ये ८.५ टक्के इथेनॉल मिसळण्यात येते.  २०१४ मध्ये १-१.५ टक्के इथेनॉल मिसळले जात होते. इथेनॉल जास्त वापरल्याने त्याची खरेदी ३८ कोटी लिटरवरून ३२० कोटी लिटरवर गेली आहे, जेव्हा २० टक्के इथेनॉल मिसळले जाईल तेव्हा खरेदीत आणखी वाढ होईल, असे पंतप्रधान मोदी म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 6, 2021 1:26 am

Web Title: petrol ethanol prime minister narendra modi akp 94
Next Stories
1 देशभरात मे महिन्यात १.०२ लाख कोटी रुपये ‘जीएसटी’ वसुली
2 काश्मीर : दहशतवाद्यांचा अड्डा उद्ध्वस्त
3 व्यंगचित्रकार मंजुल यांच्या ट्विटर खात्यावर कारवाईची सरकारची शिफारस
Just Now!
X