18 October 2018

News Flash

पाकिस्तान: इम्रान खान १८ ऑगस्टला घेणार पंतप्रधानपदाची शपथ

माजी क्रिकेटपटू कपिल देव, नवज्योतसिंग सिद्धू आणि सुनील गावसकर यांना शपथविधी सोहळ्यासाठी निमंत्रण दिल्याचे सांगण्यात येते.

इम्रान खान ( संग्रहीत प्रतिकात्मक छायाचित्र )

पाकिस्तानमधील सार्वत्रिक निवडणुकीत सर्वांत मोठा पक्ष म्हणून समोर आलेल्या पीटीआयचे प्रमुख इम्रान खान येत्या १८ ऑगस्ट रोजी पंतप्रधानपदाची शपथ घेणार आहेत. पक्षाचे ज्येष्ठ नेते सिनेटर फैजल जावेद यांनी ट्विट करून याची माहिती देताना भारताचे माजी क्रिकेटपटू कपिल देव, नवज्योतसिंग सिद्धू आणि सुनील गावसकर यांना शपथविधी सोहळ्यासाठी निमंत्रण दिल्याचे सांगितले.

जावेद यांनी ट्विटमध्ये म्हटले की, इम्रान खान १८ ऑगस्ट रोजी पंतप्रधानपदाची शपथ घेतील. राष्ट्रपती ममनून हुसेन यांनी १३ ऑगस्ट रोजी संसदेचे सत्र बोलावले आहे. या सत्रात नवनिर्वाचित सदस्य शपथ घेतील. पीटीआयच्या संसदीय समितीने सोमवारी इम्रान खान यांना संसदीय दलाचे नेते म्हणून निवडले आणि पंतप्रधानपदासाठी नामांकित केले. २५ जुलै रोजी झालेल्या निवडणुकीत पीटीआयने सर्वाधिक ११६ जागा मिळवल्या आहेत.

जिओ न्यूजने दिलेल्या वृत्तानुसार, राष्ट्रपती हुसेन यांनी पंतप्रधानपदाच्या शपथविधीमुळे आपली स्कॉललँडचा दौरा रद्द केला आहे. ममनून १६ ते १९ ऑगस्टदरम्यान एडिनबर्गचा दौरा करणार होते. आता ते शपथविधी सोहळ्यानंतर हा दौरा करतील. दुसरीकडे निवडणूक आयोगाने आचारसंहितेचे उल्लंघन केल्याप्रकरणी इम्रान खानला विनाशर्त माफी दिली आहे. त्यामुळे इम्रान खान यांचा शपथविधीतील मोठा अडसर दूर झाला आहे. इमरान यांनी ५ ठिकाणांहून निवडणूक लढवली होती. पाचही ठिकाणी ते विजयी झाले.

First Published on August 10, 2018 8:07 pm

Web Title: pm designate imran khan to take oath as the prime minister of pakistan on august 18 says pakistan tehreek e insaf