News Flash

कर्नाटकच्या मुख्यमंत्रीपदी विराजमान झालेल्या कुमारस्वामींना पंतप्रधान मोदींनी दिल्या शुभेच्छा

कर्नाटकातील मोठ्या राजकीय पेचानंतर अखेर काँग्रेस-जेडीएसच्या सरकारमध्ये कुमारस्वामी यांनी मुख्यमंत्रीपदाची तर जी. परमेश्वर यांनी उपमुख्यमंत्रीपदाची शपथ घेतली. या शपथविधीला देशभरातील अनेक दिग्गजांनी हजेरी लावून त्यांना

कर्नाटकच्या मुख्यमंत्रीपदाच्या शपथविधीनंतर पंतप्रधान मोदींनी कुमारस्वामींना दिल्या शुभेच्छा.

कर्नाटकातील मोठ्या राजकीय पेचानंतर अखेर काँग्रेस-जेडीएसच्या सरकारमध्ये कुमारस्वामी यांनी मुख्यमंत्रीपदाची तर जी. परमेश्वर यांनी उपमुख्यमंत्रीपदाची शपथ घेतली. या शपथविधीला देशभरातील अनेक दिग्गजांनी हजेरी लावून त्यांना शुभेच्छा दिल्या. त्यानंतर पंतप्रधान नरेंद्र मोदी यांनी देखील ट्विट करुन कुमारस्वामी आणि परमेश्वर यांचे अभिनंदन केले.


या शपथविधीच्या कार्यक्रमाला उपस्थित असलेल्या केंद्रातील विरोधी पक्षांनी एकत्र येऊन शक्तीप्रदर्शन केले. २०१९च्या निवडणुकीच्या पार्श्वभूमीवर एकाच व्यासपीठावर आलेल्या विरोधकांची मोठी चर्चा होती. या कार्यक्रमाला काँग्रेस अध्यक्ष राहुल गांधी, सोनिया गांधी, बसपा सुप्रीमो मायावती, तृणमुल काँग्रेसच्या प्रमुख ममता बॅनर्जी, आंध्रप्रदेशचे मुख्यमंत्री चंद्राबाबू नायडू, राष्ट्रवादी काँग्रेसचे सर्वोसर्वा शरद पवार, समाजवादी पक्षाचे प्रमुख अखिलेश यादव, सीपीएमचे नेते सिताराम येचुरी, जनता दल युनायटेडचे शरद यादव आणि राष्ट्रीय जनता दलाचे नेते तेजस्वी यादव अशा दिग्गज नेत्यांनी हजेरी लावली होती.

दरम्यान, उत्तर प्रदेशातील फुलपूर आणि गोरखपूर येथील लोकसभा पोटनिवडणुकीत एकत्र येऊन भाजपाला धोबीपछाड देणाऱे सपा अध्यक्ष अखिलेश यादव आणि बसपा सुप्रीमो मायावती या पहिल्यांदाच एका व्यसपीठावर दिसून आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 23, 2018 9:10 pm

Web Title: pm modi congratulated kumaraswamy for the post of karnataka chief minister
Next Stories
1 मंत्रीमंडळाच्या बैठकीत पेट्रोल-डिझेलच्या दराबाबत दिलासा नाही; विकासकामांसाठी कर आवश्यक : रविशंकर प्रसाद
2 महाराष्ट्रातील पाच आमदार काश्मिरमध्ये बाँबहल्ल्यातून बचावले
3 घाणेरड्या रेल्वे स्थानकांमध्ये मुंबईतल्या ‘या’ तीन स्थानकांचा समावेश
Just Now!
X