सीबीआयचे संचालक आलोक वर्मा हे राफेल करारातील घोटाळ्याबाबत चौकशी करत होते, त्यामुळेच त्यांना हटवण्यात आल्याचा गंभीर आरोप काँग्रेस अध्यक्ष राहुल गांधी यांनी केला आहे. राजस्थानच्या मुख्यमंत्री वसुंधरा राजे यांचा बालेकिल्ला असलेल्या झालावाड येथे आयोजित एका सभेमध्ये बोलताना राहुल गांधी यांनी पंतप्रधान मोदी यांचा सीबीआय अधिकाऱ्यांना सक्तीच्या रजेवर पाठवण्यामागे हात असल्याचा थेट आरोप केला. 'काल रात्री देशाच्या चौकीदाराने सीबीआयच्या संचालकांना पदावरुन हटवलं कारण ते राफेल घोटाळ्याबाबत चौकशी करत होते' असं म्हणत राहुल गांधी यांनी थेट पंतप्रधान नरेंद्र मोदींवर आरोप केला. सीबीआयचे संचालक आलोक वर्मा आणि सीबीआयचे विशेष संचालक व दुसऱ्या क्रमांकाचे अधिकारी राकेश अस्थाना यांच्यातील वाद चव्हाट्यावर आल्यानंतर दोन्ही अधिकाऱ्यांना पदावरुन हटवण्यात आलं आहे. याबाबत राहुल यांनी ट्विटरद्वारेही मोदींवर निशाणा साधला. सीबीआयचे संचालक आलोक वर्मा हे राफेल घोटाळ्याबाबतचे कागदपत्र गोळा करत होते. मात्र, त्यांना बळजबरी सक्तीच्या रजेवर पाठवण्यात आलं. जो कोणी राफेल घोटाळ्याबाबत चौकशी करण्याचा प्रयत्न करेल त्याला हटवलं जाईल, संपवलं जाईल असा थेट संदेश मोदींनी दिला आहे. देश आणि देशाची राज्यघटना संकटात आहे. असा गंभीर आरोप राहुल गांधींनी केला आहे. Kal raat chowkidar ne CBI ke Director ko hataya kyunki CBI Rafale pe sawal utha rahi thi: Congress President Rahul Gandhi in Rajasthan's Jhalawar pic.twitter.com/nyIFJRiANy— ANI (@ANI) October 24, 2018 CBI चीफ आलोक वर्मा राफेल घोटाले के कागजात इकट्ठा कर रहे थे। उन्हें जबरदस्ती छुट्टी पर भेज दिया गया। प्रधानमंत्री का मैसेज एकदम साफ है जो भी राफेल के इर्द गिर्द आएगा- हटा दिया जाएगा, मिटा दिया जाएगा।देश और संविधान खतरे में हैं।— Rahul Gandhi (@RahulGandhi) October 24, 2018 यावेळी बोलताना राहुल यांनी आयपीएलचे माजी कमिश्नर ललित मोदी यांनी वसुंधरा राजे यांच्या मुलाला कोट्यवधी रुपये दिल्याचाही आरोप केला. तसंच फरार उद्योगपती विजय मल्ल्या हा देखील पलायन करण्याच्या आधी केंद्रीय अर्थमंत्री अरुण जेटली यांना भेटला होता याचा पुनरुच्चार केला. याशिवाय मेहुल चोक्सी आणि निरव मोदी यांच्यावरुनही राहुल यांनी भाजपावर निशाणा साधला. राजस्थानमध्ये होणाऱ्या विधानसभा निवडणुकांच्या पार्श्वभुमीवर राहुल गांधी हे राजस्थानच्या दोन दिवसांच्या दौऱ्यावर आहेत. मुख्यमंत्री वसुंधरा राजे यांचा बालेकिल्ला असलेल्या झालावाड येथे आयोजित एका सभेमध्ये त्यांनी पंतप्रधान मोदी आणि भाजपावर सीबीआयमधील वाद, राफेल करार आणि अन्य मुद्द्यांवरुन टीका केली. Lalit Modi paid crores of rupees to CM Raje's son. Vijay Mallya met FM @arunjaitley before fleeing away to London with ₹9000 Cr public money: Congress President @RahulGandhi #हाड़ौती_कांग्रेस_के_संग— Congress (@INCIndia) October 24, 2018 मोदी जी 35,000 करोड़ रुपये वाले मनरेगा को गड्ढा खोदना कहते हैं, लेकिन नीरव भाई, मेहुल भाई 35000 करोड़ रुपये लेकर भागता है और मेहुल चोकसी अरुण जेटली की बेटी को आईसीआईसीआई बैंक खाते में पैसा देता है :कांग्रेस अध्यक्ष @RahulGandhi #हाड़ौती_कांग्रेस_के_संग pic.twitter.com/8srWmR05oU— Congress (@INCIndia) October 24, 2018