News Flash

PM Modi’s Mann ki Baat: परीक्षेचा कालावधी उत्सवांप्रमाणे साजरा करा, मोदींचे आवाहन

तणावमुक्त वातावरणात परीक्षेला सामोरे जा, मोदींचे विद्यार्थ्यांना आवाहन

all india radio earns rs 10 crore in two years through pm modis mann ki baat
पंतप्रधान नरेंद्र मोदी (संग्रहित छायाचित्र)

परीक्षेचा कालावधी हा उत्सवांप्रमाणे साजरा केल्यास विद्यार्थ्यांवर दबाव येणार नाही असे नमूद करत आईवडिलांनीच यासाठी पुढाकार घ्यावा असे आवाहन पंतप्रधान नरेंद्र मोदी यांनी केले आहे. आराम, झोप आणि व्यायाम या तीन गोष्टी परीक्षेच्या काळात महत्त्वाच्या आहेत असेही त्यांनी नमूद केले.

पंतप्रधान नरेंद्र मोदी यांनी रविवारी मन की बात कार्यक्रमाद्वारे देशवासीयांशी संवाद साधला. मन की बात या कार्यक्रमाचा हा २८ वा भाग होता. नववर्षातील मोदी पहिल्यांदात मन की बातमधून संवाद साधत असल्याने ते काय बोलणार याकडे सर्वांचे लक्ष लागले होते. दहावी, बारावी आणि स्पर्धा परीक्षेला बसणा-या विद्यार्थ्यांविषयी मोदींनी भाष्य केले.गूण आणि गूणपत्रिका याचा उपयोग मर्यादित आहे, जीवनात तुम्हाला ज्ञान आणि कौशल्य कामी येणार असल्याचे मोदींनी नमूद केले. जीवनात स्वतःशी स्पर्धा करा, दुस-यांशी स्पर्धा करणे टाळा असे सांगताना मोदींनी सचिन तेंडुलकरचा दाखलाही दिला. सचिनने नेहमी स्वतःलाच आव्हान दिले आणि यातून तो विक्रमांचे नवनवीन शिखर गाठू लागला याकडेही मोदींनी लक्ष वेधले.

पालकांनी मुलांवर आशेचे ओझे लादू नये. याऊलट त्यांचा स्वीकार करावा असे त्यांनी सांगितले. परीक्षेच्या कालावधील कॉपीसारख्या गैरप्रकारांवरही मोदींनी भाष्य केले. मोदी म्हणाले, कॉपी करताना कोणी पकडले नाही तरी तुम्हाला माहित असते की तुम्ही कॉपी केली आहे. त्यामुळे कॉपीसारख्या गैरप्रकाराकडे वळू नका असे आवाहन त्यांनी केले. तुम्हाला एकदा कॉपीची सवय लागली की शिकायची इच्छा संपेल. कॉपी करण्यासाठी वेळ खर्च करण्याऐवजी आणि नवनवीन शक्कल लढवण्याऐवजी हाच वेळ आणि बुद्धी चांगल्या कामासाठी खर्च करा असे मोदींनी सांगितले. ३० जानेवारी रोजी महात्मा गांधी यांची पुण्यतिथी आहे, या दिवशी सर्वांनी देशातील शहीद जवानांना आदरांजली अर्पण करावी असे आवाहन त्यांनी केले.

विश्वास पुरोहित पुरोहित January 29, 201711:15 am

३० जानेवारी रोजी महात्मा गांधी यांची पुण्यतिथी आहे, या दिवशी सर्वांनी देशातील शहीद जवानांना आदरांजली अर्पण करावी – मोदी

विश्वास पुरोहित पुरोहित January 29, 201711:15 am

परीक्षेच्या कालावधीला आपण तणाव आणि निराशेचा काळ म्हणून का बघतो ? – मोदी

विश्वास पुरोहित पुरोहित January 29, 201711:17 am

परीक्षकडे दबावाच्या दृष्टीकोनातून बघू नका, परीक्षेचा कालावधी हा उत्सवासारखा साजरा केला पाहिजे – मोदी

विश्वास पुरोहित पुरोहित January 29, 201711:18 am

आई वडिलांनी परीक्षेच्या कालावधीत घरात उत्सवासारखे वातावरण राहील यासाठी प्रयत्न केले पाहिजे – मोदी

विश्वास पुरोहित पुरोहित January 29, 201711:19 am

गूण आणि गूणपत्रिका याचा उपयोग मर्यादित आहे, जीवनात तुम्हाला ज्ञान आणि कौशल्य कामी येणार आहे – मोदी

विश्वास पुरोहित पुरोहित January 29, 201711:20 am

जीवनात स्वतःशी स्पर्धा करा, दुस-यांशी स्पर्धा करणे टाळा – मोदी

विश्वास पुरोहित पुरोहित January 29, 201711:24 am

स्वीकार, शिकवणे आणि वेळे देणे या तीन गोष्टींवर पालकांनी भर द्यावा – मोदी

विश्वास पुरोहित पुरोहित January 29, 201711:24 am

सचिन तेंडुलकरच्या यशोगाथेकडे बघा, त्याने नेहमी स्वतःलाच आव्हान दिले आणि यातून तो विक्रमांचे नवनवीन शिखर गाठू लागला – मोदी

विश्वास पुरोहित पुरोहित January 29, 201711:25 am

आत्मविश्वासाच्या अभावामुळे विद्यार्थी कॉपीसारख्या प्रकाराकडे वळतात – मोदी

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 29, 2017 11:12 am

Web Title: pm narendra modi address nation 28th edition of mann ki baat live updates
Next Stories
1 मध्यप्रदेशमध्ये दलित महिलेच्या हातच्या जेवणास विद्यार्थ्यांचा नकार
2 हिट अॅंड रनः ऑडी आणि ऑटो रिक्षाच्या अपघातात तीन संगणक अभियंते ठार
3 ट्रम्प यांना दणका, विमानतळावर खोळंबलेल्या निर्वासितांना मायदेशी पाठवण्यास न्यायालयाची स्थगिती
Just Now!
X