News Flash

१०० दिवस रुग्णालयात राहून करोनाशी लढणाऱ्या काँग्रेस नेत्याला मोदींनी केला फोन, म्हणाले…

मोदींनी धैर्याचं कौतुक केलं

काँग्रेस नेते आणि माजी केंद्रीय मंत्री भरत सिंह सोळंकी तब्बल १०० दिवस करोनाशी लढा देत होते. १०० दिवस रुग्णालयात उपचार घेतल्यानंतर अखेर भरत सिंह सोळंकी यांना डिस्चार्ज देण्यात आला. जून महिन्यात भरत सिंह सोळंकी यांना करोनाची बाधा दिली होती. पण त्यानंतर त्यांनी धैर्याने करोनाचा सामना केला आणि अखेर त्यावर मात केली. भरत सिंह सोळंकी यांना डिस्चार्ज मिळाल्यानंतर पंतप्रधान नरेंद्र मोदी यांनी फोन करुन त्यांची विचारपूस केली.

नरेंद्र मोदींनी स्वत: ट्विट करत आपण भरत सिंह सोळंकी यांच्याशी चर्चा केल्याची माहिती दिली. नरेंद्र मोदींनी सांगितलं की, “भरत सोळंकी यांना फोन करुन त्यांच्या प्रकृतीची विचारपूस केली. करोनाविरोधातील १०० दिवसांच्या लढाईदरम्यान त्याने उल्लेखनीय धैर्य दाखवलं. त्यांच्या उत्तम आरोग्यासाठी प्रार्थना करतो”.

दरम्यान भरत सिंह सोळंकी यांनी रुग्णालयातून निघताना पत्रकारांशी संवाद साधला. यावेळी त्यांनी रुग्णालयातील कर्मचार्‍यांचे आभार मानले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 2, 2020 3:36 pm

Web Title: pm narendra modi spoke to congress leader bharat solanki after recovery from 100 days battle with corona sgy 87
Next Stories
1 मोदी सरकारविरोधात राहुल गांधी आक्रमक; काढणार ट्रॅक्टर रॅली
2 वंचित बहुजन आघाडीची बिहार निवडणुकीत उडी; ‘या’ आघाडीसोबत लढवणार निवडणूक
3 “इथे विद्यार्थ्यांच्या शिष्यवृत्तीसाठी पैसा नाही आणि सरकारने करदात्यांचे ८४५८ कोटी रुपये विमानावर खर्च केले”
Just Now!
X