28 September 2020

News Flash

‘नीरव मोदी आणि मेहुल चोक्सी मला LoUs साठी ब्लॅकमेल करायचे’

नीरव मोदी आणि मेहुल चोक्सी हे दोघेही LoUs साठी मला ब्लॅकमेल करायचे अशी कबुली पंजाब नॅशनल बँकेचा माजी उप व्यवस्थापक गोकुळनाथ शेट्टी याने दिली आहे.

नीरव मोदी आणि मेहुल चोक्सी हे दोघेही LoUs साठी मला ब्लॅकमेल करायचे अशी कबुली पंजाब नॅशनल बँकेचा माजी उप व्यवस्थापक गोकुळनाथ शेट्टी याने दिली आहे. पीएनबी घोटाळा प्रकरणी गोकुळनाथ शेट्टीला इडीने (अंमलबजावणी संचलनालय) अटक केली आहे. अटक झाल्यानंतर त्याची कसून चौकशी सुरु आहे. या चौकशी दरम्यानच नीरव मोदी आणि मेहुल चोक्सीने ब्लॅकमेल केल्याचे शेट्टीने म्हटले आहे. १३ हजार ७०० कोटी बुडवून नीरव मोदी आणि मेहुल चोक्सी या दोघांनीही देशाबाहेर पलायन केले आहे. या प्रकरणी ज्या बँक अधिकाऱ्यांनी या दोघांना मदत केली त्यांना अटक करण्यात आली आहे.  ‘बिझनेस टुडे’ने या संदर्भातले वृत्त दिले आहे.

पंजाब नॅशनल बँकेच्या ब्रॅडी हाऊस शाखेचा जनरल मॅनेजर राजेश जिंदाल याने २००९ ते २०११ या त्याच्या कार्यकाळात घोटाळा करण्यास हातभार लावला असाही आरोप शेट्टी याने केला आहे. मी तर या घोटाळ्याच्या साखळीची छोटीशी कडी होतो. मुख्य सूत्रधार राजेश जिंदाल होता. त्याने डोळे झाकून एलओयूज पास केले. भ्रष्टाचार करण्यासाठी नीरव मोदी आणि मेहुल चोक्सीला त्याने मदत केली असेही शेट्टीने म्हटले आहे. कोणत्याही प्रकारची सुरक्षा ठेव न घेता नीरव मोदीला एलओयूज देण्यात आले असाही आरोप शेट्टीने केला.

मला या दोघांची दहशत वाटत होती आणि ते दोघेही मला ब्लॅकमेल करत होते, त्यामुळे मी खूप तणावाखाली आलो होतो. माझी नोकरी जाईल या भीतीने मी त्यांना मदत केली. माझे वरिष्ठच या घोटाळ्यात सहभागी होते त्यामुळे मी या घोटाळ्याचा एक भाग झालो असेही शेट्टीने चौकशी दरम्यान सांगितले. गोकुळनाथ शेट्टीची इडी कस्टडी बुधवारी संपते आहे. त्यानंतर त्याची रवानगी न्यायालयीन कोठडीत होण्याची शक्यता आहे. पंजाब नॅशनल बँकेच्या ब्रॅडी हाऊस शाखेतून शेट्टी याने २००९ ते २०११ या कालावधीत नीरव मोदी आणि मेहुल चोक्सी या दोघांनाही LoUs उपलब्ध करून दिले होते असा आरोप आहे.

दरम्यान राजेश जिंदाललाही २१ फेब्रुवारी रोजी सीबीआयने अटक केली आहे. २००९ ते २०११ या कालावधीत राजेश जिंदाल पीएनबीच्या ब्रॅडी हाऊस शाखेचा प्रतिनिधी होता. त्याच्या कारकिर्दीतच नीरव मोदी आणि मेहुल चोक्सी या दोघांना एलओयूज देण्यात आले. आता गोकुळनाथ शेट्टीच्या आरोपांनंतर पुन्हा एकदा त्याची कसून चौकशी होण्याची शक्यता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 10, 2018 5:33 pm

Web Title: pnb fraud gokulnath shetty confesses he issued all lous alleges modi choksi blackmailed him
Next Stories
1 ‘शांतीसंदेश’च्या माध्यमातून नितीशकुमारांनी मोदींना सांगितली ‘मन की बात’
2 येत्या दोन दिवसात अवकाशात झेपावणार मच्छीमारांना उपयोगी ठरणारा IRNSS-1I उपग्रह
3 FB बुलेटीन: नरेंद्र मोदींचा उल्लेख करत शेतकऱ्याची आत्महत्या, हिना सिद्धुला सुवर्णपदक आणि अन्य बातम्या
Just Now!
X