02 March 2021

News Flash

बलात्कारप्रकरणात क्रिकेटपटूची पोलिसांकडून चौकशी

क्रिकेट बोर्डाकडून खेळाडूचं निलंबन

(प्रतिकात्मक छायाचित्र )

श्रीलंकेचा सलामीवीर फलंदाज धनुष्का गुणतिलकाची, लंकन पोलिसांकडून बलात्कार प्रकरणात चौकशी करण्यात आलेली आहे. कोलंबो येथील एका हॉटेलवर नॉर्वेची रहिवासी असलेल्या एका महिलेवर बलात्काराची घटना घडली होती. या घटनेत गुणतिलकाचा मित्र संदीप जुद सेलिहा हा आरोपी असल्याचं समजंतय. या प्रसंगादरम्यान धनुष्का गुणतिलका हॉटेलमध्ये उपस्थित असल्यामुळे श्रीलंकन पोलिसांनी त्याची चौकशी केल्याचं समजतंय. या घटनेनंतर श्रीलंकन क्रिकेट बोर्डाने गुणतिलकेचं निलंबन केलं आहे.

पोलिसांनी केलेल्या चौकशीत गुणतिलकाने आपण निर्दोष असल्याचं म्हटलं आहे. ही घटना घडली तेव्हा मी हॉटेलमध्ये झोपलेला होता, आणि आपला मित्र व पीडित महिलेमध्ये नेमकं काय घडलं हे मला माहिती नाही असं गुणतिलकाने पोलिसांना सांगितलं आहे. संदीप सेलिहा हा श्रीलंकन वंशांचा ब्रिटीश नागरिक आहे. या घटनेनंतर पीडित महिलांनी कोलंबो पोलिसांकडे याबद्दल तक्रार दाखल केली असून, संदीपला अटक करण्यात आलेली आहे.

या प्रकरणी पोलिसांनी गुणतिलकावर सध्या कोणत्याही प्रकारचा गुन्हा दाखल केला नाहीये. मात्र या प्रकरणात गरज पडल्यास त्याला श्रीलंकन न्यायालयासमोर हजर रहावं लागणार आहे. श्रीलंका विरुद्ध दक्षिण आफ्रिका दुसऱ्या कसोटी सामन्यादरम्यान हा प्रकार घडल्याचं समोर येतंय. पोलिस तपास पूर्ण झाल्यानंतर श्रीलंकन क्रिकेट बोर्ड गुणतिलकाबद्दल निर्णय घेणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2018 10:11 am

Web Title: police question sri lanka cricketer over hotel rape
Next Stories
1 मतदानासाठी अक्रम लंडनहून पाकिस्तानात
2 विश्वचषकातील सर्वोत्कृष्ट गोल फ्रान्सच्या पवार्डचा !
3 आशियाई स्पर्धेपूर्वी तंदुरुस्त होण्याची आशा – मीराबाई चानू
Just Now!
X