News Flash

प्रजासत्ताकदिनी घातपाताची शक्यता, झाकीर नाईकशी कनेक्शन; गुप्तचर यंत्रणेची माहिती

रोहिंग्यांच्या मदतीने घातपाताचा कट

प्रजासत्ताक दिनी भारतातील विविध शहरांमध्ये बॉम्बस्फोट घडवून आणण्याचा प्रयत्न सुरु असल्याची माहिती रिसर्च अँड अॅनेलेसिस विंग अर्थात ‘रॉ’ या भारतीय गुप्तचर यंत्रणेने दिली आहे. यासाठी भारतातून फरार झालेला मुस्लिम धर्मप्रचारक डॉ. झाकिर नाईक हा एका नव्या दहशतवादी संघटनेला पैसा पुरवत आहे, असं ‘रॉ’ने आपल्या अहवालात म्हटलं आहे. टाइम्सनाऊ न्यूजने याबाबत वृत्त दिलं आहे.

या वृत्तानुसार, पॉप्युलर फ्रन्ट ऑफ इंडिया (पीएफआय) या कट्टर इस्लामिक संघटनेने या स्फोटांचा कट रचला असून काही रोहिंग्यांच्या मदतीने भारतातील विविध शहरांमध्ये हे स्फोट घडवले जाणार असल्याचा दावा करण्यात आला आहे. २६ जानेवारी २०२१ पूर्वी हे हल्ले होण्याची शक्यता असल्याचंही यात म्हटलं आहे. दिल्ली, अयोध्या, बोधगया, श्रीनगर, चंदीगड आणि पश्चिम बंगालमधील महत्वाचं शहर यांना यासाठी टार्गेट करण्यात येणार आहे.

दरम्यान, मलेशियास्थित रोहिंग्यांच्या गटाला यासाठी आर्थिक पाठबळ दिलं जात आहे. दोन लाख अमेरिकन डॉलर इतका पैसा यासाठी पुरवण्यात आल्याचंही या वृत्तात म्हटलं आहे. झाकिर नाईक आणि मलेशियातील रोहिंग्यांचा नेता मोहम्मद नसीर यांनी हे कारस्थान रचलं आहे. चेन्नईतील एका व्यक्तीला यासाठी परदेशातून पैसाही मिळाला आहे. म्यानमारमध्ये यासाठी प्रशिक्षण देण्यात आलेल्या महिला हे हल्ले घडवून आणतील त्या महिला नेपाळ आणि बांगलादेशातून भारतात प्रवेश करतील, असंही ‘रॉ’ने आपल्या अहवालात म्हटल्याचं वृत्त टाइम्सनं दिलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 14, 2020 10:01 pm

Web Title: possibility of assassination on republic day connection with zakir naik intelligence burrow information aau 85
Next Stories
1 सोनू सूदचा पुन्हा मदतीचा हात; ग्रामीण नवउद्योजकांचं करणार डिजिटल-आर्थिक सक्षमीकरण
2 सॉफ्टवेअरच्या सहाय्यानं १० वर्षांपूर्वी हरवलेल्या मुलाची झाली कुटुंबाशी भेट
3 अमेरिकेत देण्यात आला करोना प्रतिबंधक लसीचा पहिला डोस; डोनाल्ड ट्रम्प यांची माहिती
Just Now!
X