News Flash

पुणे, पिंपरी-चिंचवड शहरात विजेच्या कडकडाटांसह तासभर मुसळधार पाऊस

गेल्या दोन दिवसांपासून उकाड्याने हैराण झालेल्या पुणेकरांना दिलासा मिळाला आहे. अद्यापही दाट ढगांमुळे शहरातील वातावरण अंधारलेले असून रिमझिम पाऊस सुरु आहे.

पुणे, पिंपरी-चिंचवड शहरात गुरुवारी मुसळधार पावसाने हजेरी लावली.

पुणे आणि पिंपरी-चिंचवड शहरासह जिल्ह्यातील काही भागात गुरुवारी ढगांच्या गडगडाटासह मुसळधार पाऊस झाला. सुमारे एक तास झालेल्या या पावसाने शहरातील रस्ते जलमय झाले होते. दरम्यान, गेल्या दोन दिवसांपासून उकाड्याने हैराण झालेल्या पुणेकरांना दिलासा मिळाला आहे. अद्यापही दाट ढगांमुळे शहरातील वातावरण अंधारलेले असून रिमझिम पाऊस सुरु आहे.


शहरात गुरुवारी दुपारी सव्वातीनच्या सुमारास जोरदार पावसाला सुरुवात झाली. त्यानंतर तासभर तुफान पाऊस कोसळला. यामुळे काही काळ जनजीवन विस्कळीत झाले. सकाळी वातावरण स्वच्छ असताना आणि उकाडा जाणवत असताना दुपारनंतर अचानक आकाशात ढगांची गर्दी झाली आणि ढगांच्या कडकडाटासह पावसाला सुरुवात झाली. त्यामुळे सकाळीच कामानिमित्त बाहेर पडलेल्या नागरिकांची चांगलीच श्रेधातिरपट उडाली.

पुणे शहरातील कोथरुड, डेक्कन, स्वारगेट, पेठांचा भाग तसेच शिवाजीनगर, कँम्प भागात मुसळधार पाऊस पडला. तर पिंपरी-चिंचवड शहराच्या पिंपळे गुरव, दापोडी, कासारवाडी, पिंपरी-चिंचवड, राहटणी, काळेवाडी, पिंपळे सौदागर, वाकड या परिसरात जोरदार पावसाने हजेरी लावली. एक तास चाललेल्या या पावसाने वातावरणात गारवा निर्माण झाला आहे.

जून महिन्याच्या पहिल्या आठवड्यात पाऊस झाल्यानंतर गेल्या काही दिवसांपासून पावसाने दडी मारली होती. त्यामुळे आज झालेल्या पावसामुळे शहरातील नागरिकांमध्ये चैतन्याचे वातावरण निर्माण झाले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 21, 2018 5:27 pm

Web Title: pune pimpri chinchwad city have heavy rains for more than an hour
Next Stories
1 हायकोर्टानं कामसूत्राचा दाखला देत स्तनपानाच्या फोटोविरोधातील याचिका फेटाळली
2 हिंदू – मुस्लीम जोडप्याची तक्रार : त्या पासपोर्ट अधिकाऱ्यानं आरोप फेटाळले
3 कुख्यात वीरपन्नचा खात्मा करणाऱ्या अधिकाऱ्याची जम्मू-काश्मीरमध्ये नियुक्ती
Just Now!
X