News Flash

पी. व्ही. सिंधू देशाचा अभिमान!, पंतप्रधान नरेंद्र मोदींकडून कौतुक

पी. व्ही. सिंधूचं पंतप्रधान नरेंद्र मोदींकडून कौतुक

पंतप्रधान नरेंद्र मोदी यांनी बॅडमिंटनपटू पी. व्ही. सिंधूची भेट घेतली आणि तिचं कौतुक केलं आहे. भारताची आघाडीची बॅडमिंटनपटून पी. व्ही. सिंधूने २६ तारखेला स्वित्झर्लंड या ठिकाणी झालेल्या जागतिक बॅडमिंटन स्पर्धेच्या विजेतपदावर आपले नाव कोरले. सिंधूने जपानच्या नोझोमी ओकुहराला २१-७, २१-७ अशा सेटमध्ये हरवत पराभवाची धूळ चारली. त्यानंतर आता पी. व्ही. सिंधूचं पंतप्रधान नरेंद्र मोदी यांनी कौतुक केलं आहे. पी. व्ही. सिंधू आपल्या देशाचा अभिमान आहे असे गौरोद्गार त्यांनी काढले आहेत. सिंधूने बॅडमिंटनच्या स्पर्धेत जगज्जेतेपदावर नाव कोरल्याचा आनंद झाला असेही मोदींनी म्हटले आहे. त्यांनी तिचं कौतुक केलं तसेच तिला भविष्यातल्या चांगल्या कामगिरीसाठी शुभेच्छा दिल्या.

 

स्वित्झर्लंड येथे झालेल्या जागतिक अजिंक्यपद स्पर्धेत सिंधूने तिसऱ्यांदा अंतिम फेरीत प्रवेश केला होता. सिंधूने उपात्यपूर्व फेरीत शनिवारी चीनच्या चेन यू फेईचे आव्हान सहज परतवून लावले होते. सिंधूने फेईचा २१-७, २१-७ असा सरळ पराभव करीत अंतिम फेरीत धडक दिली होती. यापूर्वी जागतिक अजिंक्यपद स्पर्धेत विजेतेपदाने सिंधूला दोनवेळा हुलकावणी दिली होती. मात्र मागील अपयशावर मात करीत सिंधूने अखेर जेतेपदाला गवसणी घातली. सिंधूने जपानच्या नोझोमी ओकुहाराला नमवून सुवर्णपदकावर नाव कोरले. जागतिक बॅडमिंटन स्पर्धेत सुवर्णपदक जिंकणारी सिंधू ही पहिलीच भारतीय खेळाडू ठरली आहे. सिंधू आपल्या देशाचा अभिमान आहे तिच्या कामगिरीचा गौरव वाटतो असेही पंतप्रधान नरेंद्र मोदींनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 27, 2019 2:42 pm

Web Title: pv sindhu is indias pride says pm narendra modi scj 81
Next Stories
1 “तुझं भविष्य उज्वल आहे”; फेडररकडून भारताच्या सुमित नागलचं कौतुक
2 मुंबई इंडियन्सच्या खेळाडूची महत्वाची घोषणा; शेअर केला गर्लफ्रेंडसोबतचा खास फोटो
3 संदीप पाटील यांचं फेक सोशल अकाऊंट, मागितले क्रिकेटर्सचे नंबर
Just Now!
X