News Flash

‘… मग राहुल गांधी ब्राह्मण कसे ?’

...त्यावेळी सोनिया गांधी यांनी राहुल गांधी यांच्या चाचणीस नकार दिला आणि प्रियंका गांधी यांना चाचणीसाठी पाठवले, असा दावा देखील हेगडे यांनी केला.

‘… मग राहुल गांधी ब्राह्मण कसे ?’
संग्रहित छायाचित्र

केंद्रीय मंत्री अनंतकुमार हेगडे यांनी पुन्हा एकदा राहुल गांधी यांच्या धर्माबाबत प्रश्न उपस्थित केले आहेत. राहुल गांधी यांचे वडील मुस्लीम असून आई खिश्चन आहे. मग ते हिंदू ब्राह्मण कसे?, ब्राह्मण असल्याचे पुरावे ते देऊ शकतात का?, असा सवाल केंद्रीय मंत्री अनंतकुमार हेगडे यांनी विचारला आहे.

कर्नाटकमधील उत्तर कन्नड येथील सिरसी या गावात 9 मार्च रोजी हेगडे यांनी सभा घेतली. या सभेत त्यांनी हवाई हल्ल्यांबाबत प्रश्न उपस्थित करणाऱ्या राहुल गांधी आणि काँग्रेस पक्षावर टीका केली. पाकिस्तानमधील हवाई हल्ल्यांचे त्यांना पुरावे हवे आहेत. आता मुस्लीम व्यक्तीचा मुलगा तो ब्राह्मण असल्याचा पुरावा देऊ शकतो ?, मूळात राहुल गांधी ब्राह्मण कसे काय ?, त्यांचे वडील मुस्लीम असून आई ख्रिश्चन आहे. मग ते ब्राह्मण कसे, ते यासंदर्भातील काही पुरावे देऊ शकतात का?, असा प्रश्न त्यांनी विचारला.

हेगडे पुढे म्हणाले, मी तुम्हाला हे विनोद म्हणून सांगत नाही. याची कागदोपत्री नोंद आहे. राजीव गांधी यांच्या शरीराचे बॉम्बस्फोटात तुकडे झाले होते. मृतदेहाची ओळख पटवण्यासाठी गांधी कुटुंबातील एका व्यक्तीचे डीएनए नमुने लागणार होते. त्यावेळी सोनिया गांधी यांनी राहुल गांधी यांच्या चाचणीस नकार दिला आणि प्रियंका गांधी यांना चाचणीसाठी पाठवले, असा दावा देखील हेगडे यांनी केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 13, 2019 5:26 am

Web Title: rahul gandhi father is muslim mother is christian says union minister kumar hegde
Next Stories
1 5 हजार रुपयांच्या मोबदल्यात पाकसाठी हेरगिरी, व्हॉट्सअॅपद्वारे द्यायचा माहिती
2 Rafale Deal: कागदपत्र चोरीप्रकरणी नरेंद्र मोदींविरोधात पोलिसांकडे तक्रार अर्ज
3 तृणमूलकडून ४१ टक्के महिलांना उमेदवारी
Just Now!
X