06 July 2020

News Flash

सुब्रमण्यम स्वामींच्या वक्तव्याने काँग्रेसचा राज्यसभेत आगडोंब

आपले विधान मागे घेईपर्यंत स्वामींना सभागृहात बोलूच देणार नाही, अशी उघड धमकीच काँग्रेसने दिली

शून्यकाळ तहकूब करण्याचा कोणताही नियम नाही, असे सांगत उपसभापती पी. जे. कुरिअन यांनी रॉय यांची मागणी फेटाळली.

राष्ट्रपती नियुक्त सदस्य म्हणून पुन्हा राज्यसभेत प्रवेश केलेले भाजपचे ज्येष्ठ नेते डॉ. सुब्रमण्यम स्वामी यांच्या एका विधानावरून गुरूवारी राज्यसभेत गदारोळ झाला. स्वामींनी बुधवारी सोनिया गांधी यांच्यावर केलेल्या आरोपामुळे याआधीच संतप्त झालेल्या काँग्रेस खासदारांनी स्वामींच्या या विधानावर आक्रमक पवित्रा घेतला. सुब्रमण्यम स्वामी यांच्या टिप्पणीवर आक्षेप घेत विरोधी पक्ष नेते गुलाम नबी आझाद यांनी स्वामी रस्त्यावरची भाषा राज्यसभेत बोलत असल्याची चपराक लगावली. स्वामींविरोधात घोषणाबाजी करत काँग्रेसचे खासदार हौदात उतरले. अखेर, राज्यसभा उपाध्यक्ष पी जे कुरियन यांनी हस्तक्षेप करून स्वामींचे विधान कामकाजातून वगळण्यात येईल, असे सांगत वादावर पडदा पाडला.
स्वामी यांनी आपले विधान मागे घेईपर्यंत तुम्हाला सभागृहात बोलूच देणार नाही, अशी उघड धमकीच काँग्रेसने दिली. यानंतर सभागृहाचे कामकाज थांबविण्याची वेळ आली. दोन दिवसांत दोन वेळा स्वामी यांचे वक्तव्य संसदेच्या कामकाजातून वगळण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 28, 2016 3:44 pm

Web Title: rajya sabha live subramanian swamy warned of action for unnecessary
टॅग Congress,Rajya Sabha
Next Stories
1 भावनिकपणे पाकिस्तानशी वाटाघाटी करू नका, काँग्रेसची सरकारवर टीका
2 ‘इस्रो’कडून ‘आयआरएनएसएस-१जी’ उपग्रहाचे यशस्वी प्रक्षेपण, मोदींकडून कौतुक
3 बिहारमध्ये ९ ते ६ वेळेत होमहवन, अन्न शिजवण्यावर बंधने
Just Now!
X