News Flash

काळा पैसा परत आणण्यात जेटलींमुळे अपयश

पंतप्रधान नरेंद्र मोदी यांनी काळ्या पैशांच्या प्रश्नात स्वीकारलेला दृष्टिकोन हा निराशाजनक असून आता परदेशातील काळा पैसा भारतात आणण्यासाठी अमेरिकेनेच मदत करावी,

| June 18, 2015 12:16 pm

राम जेठमलानी (संग्रहित छायाचित्र)

पंतप्रधान नरेंद्र मोदी यांनी काळ्या पैशांच्या प्रश्नात स्वीकारलेला दृष्टिकोन हा निराशाजनक असून आता परदेशातील काळा पैसा भारतात आणण्यासाठी अमेरिकेनेच मदत करावी, असे मत माजी कायदा मंत्री व भाजपचे माजी नेते राम जेठमलानी यांनी व्यक्त केले. काळा पैसा परत आणण्यात अर्थमंत्री अरूण जेटली यांच्यामुळेच अपयश येत आहे, असा आरोपही त्यांनी केला.
अमेरिका-भारत व्यापार मंडळ व इंडियन नॅशनल बार असोसिएशन या संस्थांनी आयोजित केलेल्या कार्यक्रमात जेठमलानी बोलत होते. त्यांनी सांगितले की, परदेशात काळा पैसा ठेवणाऱ्या लोकांवर अमेरिकेने जी कारवाई केली व काही स्वीस बँकांवर खटले भरले त्याचे आपण स्वागतच करतो. भारतीय लोकांचाही काळा पैसा परदेशात अडकलेला असून तो बाहेर काढण्यासाठी अमेरिकेने मदत करावी. पंतप्रधान मोदी यांनी काळा पैसा भारतात आणण्यासाठी जे धोरण अवलंबले आहे त्यामुळे सध्याच्या परिस्थितीत तरी काही होणे शक्य नाही. काळा पैसा परत आणण्याचा मोदी यांचा हेतू प्रामाणिक असला तरी अर्थमंत्री अरूण जेटली यांनी काळा पैसा भारतात आणण्याचा पाठपुरावा गांभीर्याने केला नाही. मोदी यांनी मंत्रिमंडळ जाहीर केले तेव्हापासून अर्थ खाते जेटली यांना देण्यास आपला विरोधच होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 18, 2015 12:16 pm

Web Title: ram jethmalani blaming arun jaitley for the failure of bringing back black money
Next Stories
1 नेस्लेच्या ‘सेरेलॅक’मध्ये जिवंत अळ्या
2 केजरीवाल यांच्यासह २१ आमदारांविरुद्ध फौजदारी गुन्हे
3 अमित शहांसाठी मुस्लीम योगगुरू
Just Now!
X