News Flash

मुख्यमंत्री योगी आदित्यनाथ यांच्या उपस्थितीत उत्तर प्रदेशमध्ये विक्रमी सामुदायिक विवाह

रंगीबेरंगी पेहरावात अनेक जोडपी मोठ्या मैदानावर अंथरलेल्या गालिच्यावर बसून पुरोहित येण्याची प्रतीक्षा करताना दिसत होती

(संग्रहित छायाचित्र)

 

उत्तर प्रदेशचे मुख्यमंत्री योगी आदित्यनाथ सरकारने समाजातील आर्थिकदृष्ट्या दुर्बल घटकांसाठी सुरू केलेल्या कल्याणकारी योजनांचाच  भाग म्हणून गुरुवारी लखनौ शहराजवळ ३५०० हून अधिक जोडप्यांचा सामुदायिक विवाह समारंभ आयोजित करण्यात आला होता. या समारंभाला योगी आदित्यनाथ यांनी हजेरी लावली व नवविवाहित दाम्पत्यांना आशीर्वाद दिला. उत्तर प्रदेशचे कामगारमंत्री स्वामी प्रसाद मौर्य यांनी हा जागतिक विक्रम असल्याचे म्हटले आहे.

रंगीबेरंगी पेहरावात अनेक जोडपी मोठ्या मैदानावर अंथरलेल्या गालिच्यावर बसून पुरोहित येण्याची प्रतीक्षा करताना दिसत होती. या वेळी काही मुस्लीम जोडप्यांचाही विवाह करण्यात आला. वेदमंत्रांच्या पठणासोबतच ‘कबूल है’ हा निकाह निर्धारही करण्यात आला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 19, 2021 12:39 am

Web Title: record community wedding in uttar pradesh in the presence of chief minister yogi adityanath abn 97
Next Stories
1 ‘एसईबीसी’चा राज्यांचा अधिकार अबाधित
2 वर्षभरात टोलनाके बंद
3 जुन्या वाहनांसाठी धोरण जाहीर
Just Now!
X