News Flash

योगी सरकारच्या निवृत्त मुख्य सचिवांची निवडणूक आयुक्तपदी वर्णी

त्यांनी यापूर्वी २०१८ मध्ये उत्तरप्रदेशचे मुख्य सचिव म्हणून कार्यभार सांभाळला होता.

फोटो सौजन्यः जनसत्ता

उत्तरप्रदेशचे माजी आयएएस अधिकारी अनुप चंद्र पांडेय यांची काल निवडणूक आयुक्तपदी नियुक्ती करण्यात आली. मुख्य निवडणूक आयुक्त सुनील अरोडा यांचा कार्यकाल १२ एप्रिल रोजी संपला. तेव्हापासून निवडणूक आयुक्त हे एक पद रिक्त होतं.

तीन अधिकारी असलेल्या निवडणूक आयोगाच्या या पॅनेलमध्ये सुशील चंद्रा मुख्य निवडणूक आयुक्त आहेत तर राजीव कुमार हे दुसरे निवडणूक आयुक्त आहेत. अनुप चंद्र पांडेय हे नियुक्तीनंतर पुढच्या वर्षी होणाऱ्या उत्तरप्रदेश, पंजाब, गोवा, मणिपूर आणि उत्तराखंडच्या निवडणुकांमध्ये महत्त्वाची भूमिका बजावतील.

हेही वाचा- माजी पंतप्रधान नरसिंह राव यांचे विशेष अधिकारी राम खांडेकर यांचं निधन

१९८४च्या बॅचचे वरिष्ठ आयएएस अधिकारी डॉ. अनुप चंद्र पांडेय यांनी यापूर्वी २०१८ मध्ये उत्तरप्रदेशचे मुख्य सचिव म्हणून कार्यभार सांभाळला होता. या पदावरुन ते फेब्रुवारी २०१९ मध्ये निवृत्त होणार होते. मात्र, योगी सरकारने केंद्राच्या परवानगीने त्यांचा कार्यकाल सहा महिन्यांनी वाढवला. ऑगस्ट २०१९ मध्ये निवृत्त होण्याआधी पांडेय उत्तरप्रदेशात इन्फ्रास्ट्रक्चर आणि औद्योगिक विकास आय़ुक्त म्हणून कार्यरत होते.

अनुप चंद्र पांडेय यांनी मेकॅनिकल इंजिनियरींग केलं आहे. बी. टेकच्या पदवीसोबतच त्यांना एमबीएची पदवीही प्राप्त झालेली आहे. त्यांनी प्राचीन इतिहास या विषयामध्ये डॉक्टरेट मिळवली आहे. निवडणूक आयुक्त म्हणून त्यांचा कार्यकाल साधारण तीन वर्षांचा असेल. त्यांचा कार्यकाल फेब्रुवारी २०२४मध्ये समाप्त होईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 9, 2021 12:08 pm

Web Title: retired up cadre ias officer anup chandra pandey appointed election commissioner nearly two months after cec sunil arora retirement vsk 98
Next Stories
1 अमेरिकेशी पंगा रशियन हॅकर्सला पडला भारी… अशापद्धतीने अमेरिकेने केली चार लाख डॉलर्सची वसुली
2 दुसऱ्या लाटेचं संकट अस्ताकडे! करोना रुग्णसंख्या लाखाच्या आत
3 १५ दिन मे पैसा डबल स्कीम! चीनी अॅपने भारतीयांना घातला २५० कोटींचा गंडा ….
Just Now!
X