ग्रीसमध्ये येत्या २६ ते २९ एप्रिलदरम्यान होणाऱ्या जागतिक जल परिषदेला उपस्थित राहण्याची आपल्याला अनुमती देण्यात यावी, असी याचिका ‘द एनर्जी रिसर्च इन्स्टिटय़ूट’चे (‘टेरी’) महासंचालक आर. के. पाचौरी यांनी शुक्रवारी स्थानिक न्यायालयात केली. महिला कर्मचाऱ्याची लैंगिक छळवणूक केल्याचा आरोप पाचौरी यांच्यावर ठेवण्यात आला आहे. न्यायाधीश सुटीवर असल्यामुळे या याचिकेवरील सुनावणी २० एप्रिल रोजी मुक्रर केली आहे.
