04 July 2020

News Flash

संरक्षणासाठी कोर्टात गेलं जोडपं; विवाहावेळी मास्क घातला नाही म्हणून झाला १० हजारांचा दंड

कुटुंबीय लग्नाविरोधात होते म्हणून त्यांनी जोडप्याने संरक्षणासाठी कोर्टात धाव घेतली. मात्र विवाहावेळी मास्क न घातल्याचं फोटोतून निष्पन्न झालं.

प्रतिकात्मक छायाचित्र

विवाहावेळी मास्क न घातल्याने पंजाबमधल्या जोडप्यावर १० हजार रुपयांचा दंड ठोठावण्यात आला आहे. विशेष म्हणजे पळून लग्न केलेल्या या जोडप्याने संरक्षणासाठी कोर्टात धाव घेतली होती. कुटुंबीय या लग्नाविरोधात होते म्हणून त्यांनी लग्नानंतर संरक्षणासाठी कोर्टात धाव घेतली असता विवाहावेळी मास्क न घातल्याचं निष्पन्न झालं. यामुळे पंजाब व हरयाणा हायकोर्टाने १० हजार रुपयांचा दंड ठोठावला आहे.

लग्नाच्या फोटोंमधून जोडप्याने मास्क न घातल्याचं स्पष्ट होताच उच्च न्यायालयातील न्यायमुर्ती हरी पाल वर्मा यांच्या खंडपीठाने हा दंड ठोठावला. “लग्नाच्या फोटोंमध्ये वर-वधू आणि इतर उपस्थित लोकांनी मास्क घातला नाही. करोना व्हायरसच्या प्रादुर्भावामुळे मास्क घालणं अत्यंत आवश्यक आहे. त्यामुळे संबंधित जोडप्याने १५ दिवसांच्या आत १० हजार रुपयांचा दंड भरावा. ही रक्कम होशियारपूरमधल्या लोकांना मास्क पुरवण्यासाठी वापरण्यात येईल”, असे आदेश खंडपीठाने दिले. याचसोबत या नवविवाहित दाम्पत्याला कुटुंबीयांकडून कोणताही त्रास होऊ नये यासाठी योग्य ती पाऊलं उचलण्याचे आदेश गुरदासपूरच्या वरिष्ठ पोलीस अधिक्षकांना देण्यात आले आहेत.

करोना व्हायरसच्या वाढत्या धोक्यामुळे संपूर्ण देशात मास्क वापरणं बंधनकारक आहे. स्वत:च्या व इतरांच्या सुरक्षेसाठी मास्क वापरणं गरजेचं आहे. त्यामुळे हे नियम न पाळणाऱ्यांवर योग्य ती कारवाई केली जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 3, 2020 10:53 am

Web Title: runaway couple approaches court for protection fined for not wearing masks at marriage ceremony ssv 92
Next Stories
1 तिबेटमध्ये रात्रीच्या अंधारात चीनचा युद्धसराव, ड्रोन विमानांमधून बॉम्बफेक
2 अमेरिकेत तणाव असतानाही G7 परिषदेचे निमंत्रण देण्यासाठी ट्रम्प यांचा मोदींना फोन
3 रुग्णसंख्या दोन लाखांवर
Just Now!
X