20 September 2020

News Flash

स्नेहोत्सुक ‘सार्क’ राष्ट्रप्रमुखांची उपस्थिती

भारताच्या पंतप्रधानपदाची सूत्रे हाती घेत असताना नरेंद्र मोदी यांच्या शपथविधी सोहळ्यास दक्षिण आशियाई राष्ट्रांच्या प्रमुखांनी हजेरी लावली.

| May 27, 2014 01:54 am

भारताच्या पंतप्रधानपदाची सूत्रे हाती घेत असताना नरेंद्र मोदी यांच्या शपथविधी सोहळ्यास दक्षिण आशियाई राष्ट्रांच्या प्रमुखांनी हजेरी लावली. पाकिस्तानचे पंतप्रधान नवाझ शरीफ, अफगाणिस्तानचे अध्यक्ष हमीद करझई, श्रीलंकेचे अध्यक्ष महिंद राजपक्षे आदींचा समावेश होता.
भूतानचे पंतप्रधान त्शेरिंग तोगबे, नेपाळी पंतप्रधान सुशील कोईराला आणि मालदीवचे अध्यक्ष अब्दुल्ला यामीन अब्दुल गयूम आदी राष्ट्रप्रमुखांनीही उपस्थित राहत शपथविधी सोहळ्याची शोभा वाढवली. सुमारे चार हजार आमंत्रित मान्यवरांच्या उपस्थितीत सोहळा रंगला.
भारताच्या पूर्व सीमेवरील बांगलादेशच्या पंतप्रधान शेख हसीना या पूर्वनियोजित जपान दौऱ्यावर असल्यामुळे या सोहळ्यास उपस्थित राहू शकल्या नाहीत. मात्र, त्यांच्या वतीने बांगलादेशच्या प्रतिनिधीगृहाचे सभापती शिरीन चौधरी उपस्थित होते. भारतीय पंतप्रधानांच्या शपथविधीस ‘सार्क’ राष्ट्रांच्या प्रमुखांनी उपस्थित राहण्याची ही पहिलीच वेळ होती. सार्क राष्ट्रांव्यतिरिक्त मॉरिशसचे पंतप्रधान नवीन रामगुलम् यांनीही समारंभास हजेरी लावली.
भारतात आलेल्या दक्षिण आशियाई राष्ट्रांच्या सर्वच प्रमुखांसह मोदी मंगळवारी द्विपक्षीय संबंधांच्या अनुषंगाने चर्चा करणार आहेत. तसेच शपथविधीनंतर होणाऱ्या भोजन समारंभादरम्यानही या नेत्यांमध्ये अनौपचारिक पद्धतीने चर्चा होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 27, 2014 1:54 am

Web Title: saarc countries head present in modi oath ceremony
टॅग Saarc
Next Stories
1 देशभरात ‘मोदीउत्सव’
2 केजरीवाल यांच्या सुटकेच्या याचिकेवर आज सुनावणी
3 अखंडित वीजपुरवठय़ाला नव्या सरकारने प्राधान्य द्यावे
Just Now!
X