पश्चिम बंगालमध्ये भाजपाध्यक्ष जे पी नड्डा यांच्या ताफ्यावर विटा आणि दगडांनी हल्ला करण्यात आला आहे. या हल्ल्यात भाजपाचे काही नेते जखमी झाल्याचा आरोप पक्षाने केला आहे. ममता बॅनर्जी सरकारच्या सुरक्षेत त्रुटी असल्याचा आरोप यावेळी भाजपा नेत्यांनी केली असून केंद्रीय गृहमंत्री अमित शाह यांनी यासंबंधी अहवाल मागवला आहे.
भाजपाध्यक्ष जे पी नड्डा यांच्या ताफ्यावर हल्ला; कारवर तुफान दगडफेक
जे पी नड्डा यांच्या ताफ्यातील कारचा एक व्हिडीओ सोशल मीडियावर शेअर करण्यात आलेला असून यामध्ये कारवर विटा आणि दगडांनी हल्ला करत काचा फोडल्याचं दिसत आहे. हल्ल्यात पक्षाचे नेते मुकूल रॉय आणि कैलाश विजयवर्गीय जखमी झाल्याचं जे पी नड्डा यांनी सांगितलं आहे. भाजपा नेते कार्यकर्त्यांना संबोधित करण्यासाठी जात असताना त्यांच्यावर हल्ला करण्यात आला.
बंगाल पुलिस को पहले ही राष्ट्रीय अध्यक्ष श्री @JPNadda जी के कार्यक्रम की जानकारी दी गई थी, लेकिन एक बार फिर बंगाल पुलिस नाकाम रही। सिराकोल बस स्टैंड के पास पुलिस के सामने ही #TMC गुंडों ने हमारे कार्यकर्ताओं को मारा और मेरी गाड़ी पर पथराव किया। #BengalSupportsBJP pic.twitter.com/G882Ewhq9M
— Kailash Vijayvargiya (@KailashOnline) December 10, 2020
Visuals of BJP President @JPNadda convoy attacked while on way to Diamond Harbour road on Thursday pic.twitter.com/bH6zP0WoT4
— Rishi Bagree (@rishibagree) December 10, 2020
हल्ल्यावर जे पी नड्डा यांनी सभेत बोलताना पहिली प्रतिक्रिया दिली असून म्हटलं आहे की, “आज झालेल्या हल्ल्यात मुकूल रॉय आणि कैलाश विजयवर्गीय जखमी झाले आहेत. लोकशाहीसाठी ही लज्जास्पद घटना आहे. ताफ्यात हल्ला झाला नाही अशी कोणतीही कार नाही. मी बुलेटप्रूफ कारमध्ये होतो म्हणून सुरक्षित आहेत. पश्चिम बंगालमधील अराजकता आणि असहिष्णुता संपवावी लागेल”. “जर मी आज या बैठकीत पोहोचलो आहे तर ते देवी दुर्गाच्या आशीर्वादानेच,” असंही यावेळी ते म्हणाले.
आज जो दृश्य मैंने देखा, वो बताता है कि ममता जी के राज में बंगाल अराजकता और असहिष्णुता का पर्यायवाची बन चुका है।
आज मैं यहां मां दुर्गा के आशीर्वाद से पहुंचा हूं।
TMC के गुंडों ने प्रजातंत्र का गला घोंटने में कोई कसर नहीं छोड़ी थी।
– श्री @JPNadda #BengalSupportsBJP pic.twitter.com/mqz9koJqwY
— BJP (@BJP4India) December 10, 2020
यावेळी कैलाश विजयवर्गीय यांनीदेखील आपण जखमी झाल्याचं सांगितलं आहे. “हल्ल्यात मी जखमी झालो आहे. पक्षाध्यक्षही कारमध्ये होते. आम्ही हल्ल्याचा निषेध करतो. पोलिसांच्या उपस्थितीत गुंडांनी हल्ला केला. आम्ही आपल्या देशात आहोत असं वाटतच नव्हतं,” असं ते म्हणाले आहेत.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on December 10, 2020 3:52 pm
