उत्तर प्रदेशमधील मऊ येथे रविवारी सकाळी समाजवादी पार्टी (सपा) नेते बिजली यादव यांची गोळी मारून हत्या करण्यात आली आहे. मोहम्मदाबाद परिसरात बिजली यादव यांना अज्ञात हल्लेखोरांनी गोळी मारली, यानंतर हल्लेखोर फरार झाले. घटनास्थळी दाखल झालेल्या पोलिसांनी हल्लेखोरांचा शोध सुरू केला आहे. प्राप्त माहितीनुसार, बिजली यादव हे सकाळी फिरायला निघाले होते, याचवेळी संधी साधुन हल्लेखोरांनी बिजली यादव यांच्या डोक्यात गोळी मारून त्यांची हत्या केली. डोक्यात गोळी मारल्यागेल्याने घटनास्थळीच त्यांचा मृत्यू झाला. Mau: Samajwadi Party leader Bijli Yadav shot dead in Muhammadabad. Police at the spot. — ANI UP (@ANINewsUP) January 12, 2020 सकाळीच घडलेल्या या घटनेमुळे परिसरात एकच खबबळ उडाली. हत्येचे कारण अद्याप समजू शकलेले नाही. या वर्षाच्या शेवटी उत्तर प्रदेशमधील पंचायत समितीच्या निवडणुका होणार आहेत, त्याची तयारी बिजली यादव करत होते. स्थानिकांच्या मते राजकीय शत्रुत्वातून ही हत्या करण्यात आलेली आहे.