News Flash

‘सॅमसंग’च्या उत्तराधिकाऱ्याला भ्रष्टाचाराच्या आरोपाखाली ५ वर्षांचा कारावास

याच प्रकरणात पार्क ग्यून यांना राष्ट्राध्यक्षपद सोडावे लागले होते.

Jay Y. Lee: ली यांनी आपल्यावरील सर्व आरोप फेटाळले आहेत. जगातील सर्वाधिक स्मार्टफोनची निर्मिती करणाऱ्या कंपनीचे ली हे उत्तराधिकारी असून त्यांच्यावर फेब्रुवारी महिन्यात भ्रष्टाचाराचे आरोप करण्यात आले होते. REUTERS/Cho Seong-joon/Pool

दक्षिण कोरियातील एका न्यायालयाने सॅमसंग या जगातील सर्वांत मोठ्या मोबाइल निर्मात्या कंपनीचे उत्तराधिकारी जे-वाय-ली यांना भ्रष्टाचाराच्या आरोपाखाली पाच वर्षांची शिक्षा सुनावली. एका घोटाळ्यात लाच दिल्याचा ली यांच्यावर आरोप करण्यात आला होता. याच प्रकरणात पार्क ग्यून यांना राष्ट्राध्यक्षपद सोडावे लागले होते.

दरम्यान, ली यांनी आपल्यावरील सर्व आरोप फेटाळले आहेत. जगातील सर्वाधिक स्मार्टफोनची निर्मिती करणाऱ्या कंपनीचे ली हे उत्तराधिकारी असून त्यांच्यावर फेब्रुवारी महिन्यात भ्रष्टाचाराचे आरोप करण्यात आले होते. लाच देणे, अफरातफरी करणे आणि विदेशात संपत्ती लपवण्याचा आरोपही आहे. हे सर्व आरोप ली यांनी फेटाळले आहेत. दरम्यान, न्यायालयाच्या निकालानंतर सॅमसंग कंपनीच्या शेअर्समध्ये १.२ टक्क्यांनी घसरण झाली.

याच प्रकरणी पार्क ग्यून यांना दक्षिण कोरियाचे राष्ट्राध्यक्षपद सोडावे लागले होते. या हायप्रोफाइल प्रकरणाची सुनावणी मार्च महिन्यात सुरू झाली होती. फेब्रुवारीपासून तुरूंगात असलेल्या ४९ वर्षीय ली यांना सिओल येथे शिक्षा सुनावण्यात आली. तत्कालीन राष्ट्राध्यक्षांना लाखो डॉलरची लाच दिल्याचा ली यांच्यासह सॅमसंगच्या इतर चार अधिकाऱ्यांवरही आरोप होता. ज्या करारासाठी ली यांनी लाच दिली होती. तो करार त्यांच्यासाठी अत्यंत महत्वाचा होता. या माध्यमातूनच ते सॅमसंगच्या प्रमुखपदी विराजमान होणार होते. सध्या त्यांचे वडील ली-कुन हे सॅमसंग समूहाचे अध्यक्ष आहेत.

ली यांनी ६.४ बिलियन कोरियन वोनची अफरातफर केल्याचे वृत्त दक्षिण कोरियन माध्यमांत आले आहे. सरकारी वकिलांनी ली यांना १२ वर्षांच्या शिक्षेची मागणी केली होती. या निकालाविरोधात सर्वोच्च न्यायालयात अपील करणार असल्याचे सरकारी वकिलांनी म्हटले आहे. या निकालाची अंतिम सुनावणी २०१८ मध्ये होईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2017 1:40 pm

Web Title: samsung heir lee jae yong jailed for 5 years on bribery charges
Next Stories
1 ५० आणि २०० रूपयांच्या नोटा मिळवण्यासाठी बँकेबाहेर लांबलचक रांगा
2 मला खरेदी करू शकेल अशी टाकसाळ अस्तित्वात नाही, नितीश कुमार यांचे वक्तव्य
3 स्मृती इराणींनी राज्यसभा सदस्यत्वाची संस्कृतमध्ये घेतली शपथ
Just Now!
X