सरसंघचालक मोहन भागवत आणि अन्य पदाधिकाऱ्यांच्या ट्विटर हॅण्डलवरील ‘ ब्लू टिक’ ट्विटरने काढून टाकल्यानंतर संघाच्या समर्थकांनी त्यावर समाजमाध्यमातून जोरदार टीका केली. त्यानंतर ब्लू टिक पुन्हा देण्यात आली. राष्ट्रीय स्वयंसेवक संघाच्या दिल्ली विभागाचे पदाधिकारी राजीव तुली यांनी या प्रकाराला जोरदार हरकत घेतली आणि हे ट्विटरच्या सरंजामशाहीचे स्पष्ट उदाहरण असल्याचे म्हटले आहे. त्यानंतर सायंकाळी मोहन भागवत यांच्यासह सुरेश जोशी, सुरेश सोनी, अरुणकुमार आणि कृष्णा गोपाळ यांना पुन्हा ब्लू टिक देण्यात आली.
