स्थलांतरित काश्मिरी पंडितांसाठी काश्मीर खोऱ्यात स्वतंत्र वसाहत वसवण्याच्या प्रस्तावाच्या निषेधार्थ फुटीरवादी संघटनांनी शनिवारी पुकारलेल्या ‘बंद’मुळे काश्मीरमधील जनजीवन विस्कळीत झाले होते.श्रीनगरमधील दुकाने, व्यापारी प्रतिष्ठाने, शैक्षणिक संस्था व पेट्रोल पंप बंद होते, तर सरकारी कार्यालयांमधील उपस्थिती रोडावली होती. सार्वजनिक वाहतूक व्यवस्था बंद होती, तर खाजगी मोटारी, टॅक्सीज व ऑटोरिक्षा काही ठिकाणी धावत होत्या. काश्मीर खोऱ्यातील इतर जिल्हा मुख्यालयांमध्येही अशीच परिस्थती होती, असे अधिकाऱ्यांनी सांगितले.
