News Flash

एक कोटी १० लाख लसीच्या डोससाठी सरकारकडून सीरम इन्स्टिटयूटला ऑर्डर

लसीच्या प्रत्येक डोसची किंमत इतकी आहे....

करोना प्रतिबंधक लस खरेदीसाठी सरकारने अखेर सीरम इन्स्टिटयूट ऑफ इंडियाला ऑर्डर दिली आहे. सरकार सीरमकडून ‘कोव्हिशिल्ड’ लसीचे एक कोटी १० लाख डोस खरेदी करणार आहे. ऑक्सफर्ड-अस्त्राझेनेकाने मिळून विसिकत केलेल्या या लसीची निर्मिती पुणे स्थित सीरम इन्स्टिटयूट करत आहे. सोमवारी दुपारी आम्हाला भारत सरकारकडून लस खरेदीची ऑर्डर मिळाली. जीएसटीसह लसीच्या प्रत्येक डोसची किंमत २१० रुपये असेल असे सीरमच्या अधिकाऱ्याने पीटीआयला सांगितले.

आज संध्याकाळपासूनच लसीची डिलिव्हरी पाठवण्यास सुरुवात होईल असे अधिकाऱ्याने सांगितले. सुरुवातीला ६० ठिकाणी कोव्हिशिल्ड लस पाठवण्यात येईल. तिथून अन्य ठिकाणी लसीचे वितरण होईल, असे पीटीआयने सूत्रांच्या हवाल्याने सांगितले.

भारत बायोटेकची कोव्हॅक्सिन लस खरेदीसाठी सुद्धा आरोग्य मंत्रालय लवकरच खरेदी करार करणार आहे. ही स्वदेशी लस आहे. औषध नियंत्रकांनी सीरम आणि भारत बायोटेकच्या लसीचा आपत्कालीन वापर करण्यास मान्यता दिली आहे. येत्या १६ जानेवारीपासून देशात करोना प्रतिबंधक लसीकरणाचा कार्यक्रम सुरु होणार आहे.

लसीकरणात आरोग्य क्षेत्रातील कर्मचारी आणि करोना योद्धयांना पहिले प्राधान्य दिले जाणार आहे. पहिल्या टप्प्यात तीन कोटी नागरिकांच्या लसीकरणाची योजना आहे. त्यानंतर ५० वर्षावरील व्यक्ती आणि को-मोर्बिडीटी असणारे ५० पेक्षा कमी वयाच्या लोकांना लसीचे डोस दिले जातील.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 11, 2021 6:39 pm

Web Title: serum receives purchase order from govt for covid vaccine dmp 82
Next Stories
1 फक्त पहिल्या तीन कोटी लसींचाच खर्च केंद्र सरकार उचलणार – पंतप्रधान
2 भारतानं चीनी सैनिकाला परत पाठवलं; चुकून केला होता भारतीय हद्दीत प्रवेश
3 Car-Free City: खनिज तेल संपल्यावर काय? सौदी उभारतंय अख्खं शहर
Just Now!
X