रस्ते अपघातात कर्नाटकातील ७ जणांचा मृत्यू झालेला आहे. कलबुर्गी जिल्ह्यातील सावलगी गावाजवळ हा अपघात घडला. कार आणि रस्त्यावरुन जाणाऱ्या स्टेशनरी ट्रकची धडक झाली.ज्यात कारमधील सातही जणांना जागीच आपले प्राण गमवावे लागले. या सात जणांमध्ये एका गर्भवती महिलेचाही समावेश होता. इरफाना बेगम असं या गर्भवती महिलेचं नाव असल्याचं कळतंय. याव्यतिरीक्त रुबिया बेगम, आबेदा, जयचुन भाई, मुनीर, मोहम्मद अली आणि शौकत अली अशी अपघातात मृत्यूमुखी पावलेल्यांची नाव आहेत. या अपघाताप्रकरणी कलबुर्गी जिल्ह्यातील वाहतूक पोलिसांनी गुन्ह्याची नोंद केली असून हा अपघात नेमका कसा घडला याबाबत तपास सुरु आहे.
