ग्रेटर नोएडा येथील बिसरख ठाणे परिरात एक अत्यंत धक्कादायक घटना घडल्याचे समोर आले आहे. एका महिलेने आपल्या तीन वर्षांच्या चिमुकल्यासह इमारतीच्या १७ व्या मजल्यावरून उडी मारून आत्महत्या केली आहे. कौटुंबिक वादानंतर महिलेने हे टोकाचे पाऊल उचलले असल्याची माहिती समोर येत आहे. घटनेची माहिती मिळताच पोलीस घटनास्थळी दाखल झाले व या प्रकरणाची चौकशी सुरू झाली आहे. पोलिसांच्या माहितीनुसार, या घटनेतील मृत महिलेचे नाव प्रियंका त्यागी आहे. त्या इको विलेज सोसायटीत राहत होत्या. घटना घडली तेव्हा त्यांचा पती बाहेर गेलेला होता. तेव्हा घरातील अन्य सदस्याबरोबर त्यांचा वाद झाला व त्यांनी आत्महत्या केली. १७ व्या मजल्यावरून उडी मारल्याने घटनास्थळीच आई व मुलाचा मृत्यू झाला होता. या अगोदर गाजियाबादमधील सिहानी गेट पोलीस ठाणे परिसरातील राजनगर परिसरात पाच वर्षीय मुलाचा १४ व्या मजल्यावरून पडून मृत्यू झाल्याची घटना घडली होती.
