दिल्लीचे मुख्यमंत्री आणि आम आदमी पक्षाचे (आप) नेते अरविंद केजरीवाल यांना शनिवारी एका व्यक्तीने बूट फेकून मारण्याचा प्रयत्न केल्याची घटना घडली. दिल्लीतील सम-विषम वाहना योजनेविषयी माहिती देण्यासाठी आयोजित करण्यात आलेल्या पत्रकारपरिषदेत हा प्रकार घडला. पत्रकारपरिषद सुरू असताना या व्यक्तीने केजरीवालांच्या दिशेने बूट फिरकावला. मात्र, व्यासपीठावर उपस्थित असलेल्या 'आप'च्या एका सदस्याने तो पकडला. या घटनेनंतर संबंधित व्यक्तीला लगेचच ताब्यात घेण्यात आले. या व्यक्तीचे नाव वेदप्रकाश असून तो 'आप'पासून वेगळ्या झालेल्या आम आदमी सेनेचा असल्याची महितीआहे. या घटनेमुळे पत्रकारपरिषदेत काहीवेळासाठी गोंधळाचे वातावरण निर्माण झाले होते. दरम्यान, काँग्रेस नेते पीसी चाको यांनी या घटनेला केजरीवाल यांची हुकूमशाही वृत्ती कारणीभूत असल्याचे म्हटले आहे. Shoe hurled at CM Arvind Kejriwal during a press conference in Delhi, man detained pic.twitter.com/jwcPnmJIWo — ANI (@ANI_news) April 9, 2016 Ruckus at CM Kejriwal's press conference on #OddEven formula in Delhi pic.twitter.com/HGnPFHv6fc — ANI (@ANI_news) April 9, 2016