News Flash

दहशतवादाच्या इतर खटल्यांबाबतही तत्परता दाखवावी- दिग्विजय सिंह

याकूब मेमनच्या फाशीबाबत दाखवण्यात आलेली तत्परता इतर दहशतवादी खटल्यांबाबत देखील सरकारने दाखवावी, असा टोला काँग्रेस नेते दिग्विजय सिंह यांनी लगावला आहे

| July 30, 2015 04:41 am

digvijay singh : महाराष्ट्र दिनी मुंबईतील हुतात्मा चौकाची सजावट केली नसल्याचेही निदर्शनास आणून देत भाजप सरकारपेक्षा काँग्रेसचे सरकार चांगले होते, असे वक्तव्य केले होते.

याकूब मेमनच्या फाशीबाबत दाखवण्यात आलेली तत्परता इतर दहशतवादी खटल्यांबाबत देखील सरकारने दाखवावी, असा टोला काँग्रेस नेते दिग्विजय सिंह यांनी लगावला आहे. याकूब मेमनला फाशी झाली. दहशतवादाच्या आरोपीला शिक्षा देण्यात सरकार आणि न्यायव्यवस्थेने जी तत्परता दाखवली ती कौतुकास्पद आहे. आता इतर खटल्यांमध्येही जात-पात, धर्म आणि मतांचा विचार न करता सरकार आणि न्यायव्यवस्था अशीच कारवाई करेल, अशी आशा आहे, असे ट्विट दिग्विजय सिंह यांनी केले आहे. दहशतवादी कारवाया करणाऱया इतर आरोपींवर ज्या पद्धतीने खटला चालवला जात आहे, त्यावर संशय असल्याचेही दिग्विजय यावेळी म्हणाले.

दरम्यान, दिग्विजय यांच्या ट्विटचा समाचार घेत केंद्रीय अर्थमंत्री अरुण जेटली यांनी काँग्रसने राष्ट्रीय सुरक्षेला बाजूला सारत राजकारण करण्यास प्राधान्य दिल्याचा आरोप यावेळी केला. बॉम्बस्फोटातील गुन्हेगाराला फाशी दिल्यानंतर काँग्रेसचे काही नेते वेगवेगळी भूमिका मांडत आहेत. काँग्रेसने त्यांच्या नकारात्मक भूमिकेवर फेरविचार करावा आणि सोनिया गांधी यांनी स्वत: पक्षाची भूमिका स्पष्ट करावी, असे अरुण जेटली म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 30, 2015 4:41 am

Web Title: show same urgency in other terror cases says digvijaya singh on yakub memon hanging
टॅग : Digvijaya Singh
Next Stories
1 ‘मेमन देशद्रोहीच’
2 याकूबला फाशीच
3 २०२२ पर्यंत भारत जगातील सर्वाधिक लोकसंख्येचा देश
Just Now!
X