News Flash

‘स्वच्छ भारत’ अभियान कृती दलाचे प्रमुखपद नाकारले – सिद्धरामय्या

‘स्वच्छ भारत’ अभियानाची अंमलबजावणी करणाऱ्या कृती दलाचे निमंत्रक व्हावे, अशी इच्छा पंतप्रधान नरेंद्र मोदी यांनी आपल्याकडे व्यक्त केली होती, मात्र आपण त्यास नकार दिला,

| March 22, 2015 04:12 am

 ‘स्वच्छ भारत’ अभियानाची अंमलबजावणी करणाऱ्या कृती दलाचे निमंत्रक व्हावे, अशी इच्छा पंतप्रधान नरेंद्र मोदी यांनी आपल्याकडे व्यक्त केली होती, मात्र आपण त्यास नकार दिला, असे कर्नाटकचे मुख्यमंत्री सिद्धरामय्या यांनी शनिवारी येथे सांगितले. आपण या अभियानाचे केवळ सदस्य राहू, असे सिद्धरामय्या यांनी मोदी यांना सांगितले. मोदी यांच्या अध्यक्षतेखाली नीती आयोगाची पहिली बैठक झाली त्यामध्ये तीन उप-गट तयार करण्यात आले होते. केंद्र पुरस्कृत योजनांच्या उप-गटाचे अध्यक्ष मध्य प्रदेशचे मुख्यमंत्री शिवराजसिंह चौहान यांना करण्यात आले होते. कौशल्य विकासाची जबाबदारी त्रिपुराचे मुख्यमंत्री माणिक सरकार यांच्यावर तर स्वच्छ भारतची जबाबदारी आपल्यावर सोपविण्यात आली होती असे सिद्धरामय्या म्हणाले. प्रत्येक उप-गटात १०-११ मुख्यमंत्री आहेत.तथापि, आपल्याकडे या कामासाठी वेळ नसल्याने अन्य कोणावर ही जबाबदारी सोपवावी, अशी विनंती आपण पंतप्रधानांना केल्याचे सिद्धरामय्या यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 22, 2015 4:12 am

Web Title: siddaramaiah declines pm modis swachh bharat offer
टॅग : Siddaramaiah
Next Stories
1 पाकिस्तानबाबत केंद्र मवाळ काँग्रेसचा आरोप
2 गारपीटग्रस्त शेतकऱ्यांना मदत देण्याची सोनियांची मागणी
3 काश्मीर सरकारवर तोगडियांची टीका
Just Now!
X