29 May 2020

News Flash

सिंगापूरमध्ये डोनाल्ड ट्रम्प-किंम जोंगच्या सुरक्षेची जबाबदारी नेपाळी गुरख्यांवर

डोनाल्ड ट्रम्प आणि किम जोंग उन यांच्यामध्ये होणाऱ्या बैठकीआधी सुरक्षा दोन्ही देशांसाठी अत्यंत महत्वाचा मुद्दा आहे. सिंगापूरमध्ये ही बहुचर्चित भेट होणार आहे.

अमेरिकेचे राष्ट्राध्यक्ष डोनाल्ड ट्रम्प आणि उत्तर कोरियाचा सर्वेसर्वा किम जोंग उन यांच्यामध्ये होणाऱ्या बैठकीआधी सुरक्षा दोन्ही देशांसाठी अत्यंत महत्वाचा मुद्दा आहे. त्यासाठीच कुठलाही दगाफटका होऊ नये म्हणून या परिषदेच्या सुरक्षेची जबाबदारी नेपाळी गुरख्यांवर सोपवण्यात आली आहे. येत्या महिन्याअखेरीस सिंगापूरमध्ये ही बहुचर्चित भेट होणार आहे.

नेपाळी गुरख्यांचा जगातील सर्वाधिक घातक सैनिकांमध्ये समावेश होतो. त्यासाठीच या परिषदेच्या सुरक्षेची जबाबदारी त्यांच्यावर सोपवण्यात आली आहे. ट्रम्प आणि किम दोघेही स्वत:ची व्यक्तिगत सुरक्षा पथके सोबत घेऊन येणार आहेत. सिंगापूर पोलिसांनी भेटीचे ठिकाण, रस्ता आणि हॉटेलच्या सुरक्षेची जबाबदारी आपल्या गुरखा पथकावर सोपवली आहे.

सिंगापूरमध्ये गुरख्यांचा वावर फारसा जाणवत नाही. मागच्या आठवडयात शांगरीला हॉटेलमध्ये पंतप्रधान नरेंद्र मोदी, अमेरिकेचे संरक्षण मंत्री जिम मॅटीस आणि अन्य मंत्री उपस्थित होते. त्यावेळी या परिषदेच्या सुरक्षेची जबाबदारी गुरखा बटालियन संभाळत होती. खास नेपाळमधून सिंगापूर पोलीस दलात या गुरख्यांची भरती करण्यात आली आहे.

सुरक्षेसाठी तैनात असताना त्यांच्याकडे बेल्जियम बनावटीची असॉल्ट रायफल आणि पिस्तुल असते. गुरख्यांकडे अत्याधुनिक शस्त्रास्त्र असली तरी कुकरी हे त्यांचे पारंपारिक शस्त्रही गुरख्याकडे असतेच. कुकरी म्हणजे धारदार चाकू. कुकरी शिवाय गुरखे युद्धाची तयारी करत नाहीत. एकप्रकारे कुकरी शिवाय गुरखे अपूर्णच असतात. हे नेपाळी गुरखे आता ट्रम्प-किमची सुरक्षा संभाळणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 5, 2018 3:23 pm

Web Title: singapore nepal gurkhas to guard trump kim summit
Next Stories
1 सुनंदा पुष्कर मृत्यूप्रकरणी शशी थरुर यांना समन्स, ७ जुलैपूर्वी कोर्टात हजर राहण्याचे आदेश
2 घटनापीठाचा निर्णय येईपर्यंत मागासवर्गीय कर्मचाऱ्यांना पदोन्नतीत आरक्षण द्या : सुप्रीम कोर्ट
3 एअरसेल-मॅक्सिस प्रकरण : चिदंबरम यांना दिलासा, 10 जुलैपर्यंत अटकेला स्थगिती
Just Now!
X