News Flash

‘चलो बुलावा आया है’ फेम भजन सम्राट नरेंद्र चंचल यांचे निधन

ते ८० वर्षांचे होते.

भजन सम्राट नरेंद्र चंचल यांचे निधन झाले आहे. ते ८० वर्षांचे होते. गेल्या तीन दिवसांपासून त्यांची प्रकृती खालावल्यामुळे त्यांना दिल्लीमधील अपोलो रुग्णालयात दाखल करण्यात आले होते. आज दुपारी त्यांनी अखेरचा श्वास घेतला. त्यांच्या निधनानंतर कलाविश्वामध्ये हळहळ व्यक्त केली जात आहे.

गायक दलेर मेहेंदी यांनी सोशल मीडिया पोस्टद्वारे नरेंद्र यांचे निधन झाल्याची माहिती दिली आहे. ‘गायक नरेंद्र चंचल यांच्या निधनाचे वृत्त ऐकून मला दु:ख झाले’ या आशयाचे ट्वीट त्यांनी केले आहे.

नरेंद्र यांचे बॉलिवूड करिअर हे अभिनेते ऋषि कपूर यांच्यासोबत सुरु झाले होते. त्यांनी ‘बॉबी’ चित्रपटातील ‘बेशक मंदिर मस्जिद तोडो’ हे गाणे गायले होते. त्यानंतर त्यांनी अनेक चित्रपटांमधील गाणी गायली आहेत. पण त्यांना ‘अवतार’ या चित्रपटात गायिलेले ‘चलो बुलावा आया है’ या भजनाने खरी ओळख मिळवून दिली. काही दिवसांपूर्वी त्यांनी करोना व्हायरसवर देखील एक गाणे गायले होते आणि हे गाणे सोशल मीडियावर प्रचंड व्हायरल झाले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 22, 2021 3:10 pm

Web Title: singer narendra chanchal passes away avb 95
Next Stories
1 HAL च्या ‘हॉक-आय’ मधून ‘SAAW’ ची यशस्वी चाचणी, समजून घ्या किती घातक आहे हे शस्त्र
2 बँका, पतसंस्था हप्त्यांची वसुली करताना…; राज ठाकरेंचं थेट RBI गव्हर्नरला पत्र
3 ममता बॅनर्जींना आणखी एक धक्का, मंत्रीमंडळातील मंत्र्याचा तडकाफडकी राजीनामा
Just Now!
X